तुलसीपुर उपमहानगरको अधिवेशनमा मुख्यमन्त्रीको विशेष सम्बोधन हुने
सारांश
- काठमाडौं, १९ चैत्र ।
- तुलसीपुर उपमहानगरपालिकाको दोस्रो नगर अधिवेशनलाई मुख्यन्त्री शंकर पोख्रेलले विशेष सम्बोधन गर्ने भएका छन् ।
- तुलसीपुर उपमहानगरपालिकाको कार्यपालिका बैठकले यस्तो निर्णय गरेको हो ।
काठमाडौं, १९ चैत्र । तुलसीपुर उपमहानगरपालिकाको दोस्रो नगर अधिवेशनलाई मुख्यन्त्री शंकर पोख्रेलले विशेष सम्बोधन गर्ने भएका छन् । तुलसीपुर उपमहानगरपालिकाको कार्यपालिका बैठकले यस्तो निर्णय गरेको हो ।
चैत्र २१ गतेबाट तुलसीपुर उपमहानगरपालिकाको विशेष अधिवेशनको आरम्भ हुने र पोख्रेलले विशेष सम्बोधन गर्ने कार्यक्रम रहेको उपमहानगरका प्रवक्ता सूर्यबहादुर डाँगीले जानकारी गराएका छन् । प्रवक्ता डाँगीका अनुसार अधिवेशनमा निर्वाचित संघ र प्रदेशका सभासद, राजनीतिक दलका प्रमुख, तुलसीपुर र विजौरी उद्योग वाणिज्य संघका अध्यक्ष र पत्रकारहरुलाई पर्यवेक्षकका रुपमा सहभागी गराइने भएको छ ।
अधिवेशनमा उत्कृष्ट जनमुखी काम गर्ने वडाका अध्यक्षहरुलाई सम्मान गर्ने निर्णय पनि बैठकले गरेको छ । यसैगरी पूर्व गृहमन्त्री एवम् नेपाली काँग्रेसका नेता खुमबहादुर खड्काको निधनप्रति पनि बैठकले शोक प्रस्ताव पारित गरेको छ ।
प्रतिक्रिया
Hari Kharel Nirdosh
काम् केहिनि हुन्न