सुत्केरीले पाउने सेवा कटौती

अर्घखाँची, २० मंसिर ।  जिल्ला अस्पताल सन्धिखर्कले रकम अभावको कारण देखाउँदै आमा सुरक्षा प्रसुती प्रोत्साहन रकम उपलब्ध गराउन नसकने जानकारी गराएको छ । सुत्केरीले पाउँदै आएको प्रोत्साहन भत्ता रकम अस्पतालले सूचना टासँ गरेर अबदेखि नपाउने जानकारी गराएको हो । सन्धिखर्क नगरपालिकाले उपलव्ध गराएको रकमबाट असोज सम्म र जिल्ला अस्पताल विकास समितिबाट कार्तिक महिनामा सेवा प्रदान गरिएपनि रकम अभाव भएपछि सेवा बन्द गरिएको सन्धिखर्क अस्पतालका मेडिकल सुपरिडेन्ट डा।जगनाथ तिबारीले बताए

। ‘यातायात खर्च भनेर दुई हजार र गर्भ जाचँ गराए वापत दुई हजार आठ सय रुपैयाँ सुत्केरीलाई दिँदै आएका थियौं, तर अहिले पैसा नभएर दिन सकिएन । प्रदेश सरकार र निर्देशनालयमा पटक– पटक रकमको माग गरेपनि सुनुवाई नभएको तिबारीले बताए । साथै, जन्मिएको बच्चाको लागि न्यानो कपडाहरु दिने गरेका थियौं अहिले सबै सेवा बन्द गराइएको छ, अस्पतालमा कार्यरत नर्स सरस्वता बन्जाडेले बताईन । सन्धिखर्क अस्पतालमा साउन महिनामा ५९ ,भाद्र महिनामा ५८ ,असोजमा ७६ , कार्तिकमा ५९ र मंसिर बुधबारको दिनसम्म ३८ जनाले प्रसुती गराएका छन् ।
‘जिल्ला अस्पतालसहित अर्घखाँचीमा दुई वटा प्रथामिक स्वास्थ्य केन्द्र र १५ वटा बर्थिङ्ग सेन्टर रहेका छन् ।