प्रधानमन्त्री ओलीद्धारा विदेशी कुटनीतिज्ञलाई ‘स्पेशल ब्रिफिङ’

काठमाडौं, १३ चैत्र । प्रधानमन्त्री केपी शर्मा ओलीले काठमाडौंस्थित विदेशी क’टनीतिक नियोगका प्रमुखहरुलाई बोलाएर बालुवाटारमा आज ब्रिफिङ् गरेका छन्.

प्रधानमन्त्रीको सरकारी निवास बालुवाटारमा भेला भएका कुटनीतिज्ञलाई प्रधानमन्त्री ओलीले सम्बोधन गरेका छन् । उनले बितेको दशकमा नेपाल ऐतिहासिक रूपमा रूपान्तरण भएको बताएका थिए ।

बिफ्रिङमा उपस्थित् भएका एमाले बरिष्ठ नेता झलनाथ खनालले पत्रकार ऋषि धमलालाई दिएको जानकारी अनुसार प्रधानमन्त्री ओलीले नेपालको समृद्धिको लागि लगानी गर्न आग्रह गरेका थिए ।

उनले भनेका थिए,‘हामी विकासको चरणमा प्रवेश गरेका छौं । अब तपाईहरुले सहयोग गर्नुहोस्।’ आजको ब्रिफिङ्मा ईयुको बारेमा प्रश्न भने उठेन।

ब्रिफिङको क्रममा उनले भनेका थिए,‘रूपान्तरण राजनीतिक रूपमा मात्र भएको छैन. त्यसले राष्ट्रिय जीवनका सबै पक्षहरूमा अनुभुति गरिएको छ ।’

प्रधानमन्त्री ओलीले ब्रिफिङ गर्नुपुर्व परराष्ट्रमन्त्री प्रदीप ज्ञवालीले स्वागत मन्तव्य राखेका थिए । उनले विश्वसँग नेपालको सुमधुर सम्बन्ध रहेको र दुई निकट छिमेकीसँग ऐतिहासिक सम्बन्ध रहेको उल्लेख गरेका थिए ।