शुनको मूल्य तोलामा ५ सय रुपैयाँ घटेको छ

सुनको मूल्य आइतबार तोलामा ५ सय रुपैयाँले घटेको छ । गत विहीबारदेखि प्रतितोला रू.५४ हजार ९ सय रुपैयाँमा कारोबार भईरहेको छापावाल सुनको मूल्य आइतबार भने तोलामा ५ सय रुपैयाँ घटेको हो ।

शुक्रबार विहानी सत्रमा अमेरिकाले सिरियाली आकाशमो क्रुज मिसाइल प्रहार गरेपछि बढेको राजनीतिक तनाव र अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी जिङपिङबीचको भेट वार्ता पछि सुनको मूल्य बढ्न सहयोग पुगेको थियो । अमेरिका र चीनको व्यापार सम्बन्ध कस्तो हुने हो भन्ने आशंकामा पनि सुनको मूल्य बढ्न सहयोग पुगेको हो । शुक्रबार विहानी सत्रको कारोबारमा सुनको मूल्य अन्तराष्ट्रिय बजारमा प्रतिऔंस १ हजार २ सय ६४ अमेरिकी डलर पुगेको थियो । तर, बजार बन्द हुँदा भने मूल्य केही घटेको छ । डलर तुलनात्नामक रुपमा बलियो भएपछि भने सुनको मूल्य वृद्धि केही सुस्तिएको छ । बजार बन्द हुँदा सुनको मूल्य १ हजार २ सय ५७ डलरको हाराहारीमा आइपुगेको छ ।

तर विश्व बजारमा भने सुनको मूल्य ५ महिना यताकै उच्च भएको छ । तीन दिनको लगातारको वृद्धि पछि विहीबार मूल्य घटेको सुन शुक्रबार भने ५ महिनायताकै उच्च भएको छ । भारतीय कमोडिटी बेजारमा विहीबार प्रति १० ग्राम १ सय २५ भारुले घटेर सुनको मूल्य शुक्रबार एकै दिन २९ हजार २ सय ७५ रुपैयाँ पुगेको थियो । अन्तराष्ट्रिय बजारमा सो दिन प्रतिऔंस सुन १ हजार २ सय ५३ अमेरिकी डलर रहेको थियो ।

शनिबार र आइतबार भने अन्तराष्ट्रिय बजारहरु बन्द रहन्छन् । सोमबार विहान ११ बजेसम्म त्यहाको बजारमा मूल्य घटबढ के हुन्छ त्यही आधारमा नेपालमा पनि मूल्य तय गरिनेछ ।