हिलोमा धसिएको जहाज निकालियो, १२ घण्टापछि त्रिभुवन बिमानस्थल सूचारु

काठमाडौं । नेपालगञ्जबाट काठमाडौं आएको यती एयरको जहाज हिजो राति त्रिभुवन विमानस्थलमा चिप्लिएर दुर्घटनामा परेपछि बन्द भएको विमानस्थल बल्ल सुचारु भएको छ ।
विमानस्थल अवरुद्ध भएपछि विदेशबाट आएका विमान फर्काइएको थियो ।

हिजो बेलुका आएका विमान सबै भारत डाइभर्ट गरिएको थियो भने नेपालबाट हुने कुनै पनि उडान हुन सकेका थिएनन् । राति साढे ८ बजेदेखि बन्द भएको विमानस्थल अहिले बिहान ९ बजेदेखि शुचारु भएको बताइएको छ ।

नेपालगञ्जबाट काठमाडौं आएको यतीको जेट स्ट्रिम विमान अवतरणपछि करिब ९ सय मिटर अघि बढिसकेपछि धावनमार्गमै चिप्लिएको थियो । २१ जना यात्रु बोकेर आएको जहाज धावनमार्गबाट चिप्लिएर १० मिटर पर घाँसेमैदानमा पुगेको थियो ।

घाँसे मैदानको हिलोमा धसिएको जहाज नेपाली सेना, प्रहरी, कर्मचारीले तानेर रनवेमा निकाली पार्किङमा लगिएको हो ।