२३ वर्षपछि चुनावी प्रतिस्पर्धामा पूर्वसभामुख ढुङ्गाना
सारांश
- काठमाडौं, कात्तिक १६ – प्रजातन्त्र पुनःस्थापना भएपछि पहिलो सभामुख दमननाथ ढुङ्गाना पुनः चुनावी प्रतिस्पर्धामा उत्रनुभएको छ ।
- नेपाली कांग्रेसले भक्तपुर क्षेत्र नं २ बाट उहाँलाई प्रतिनिधिसभा चुनावको प्रतिस्पर्धामा उतारेको हो ।
- विस २०४८ को पहिलो संसदीय चुनावमा उहाँ काठमाडौं क्षेत्र नं २ बाट विजय हुनुभएको थियो ।
काठमाडौं, कात्तिक १६ – प्रजातन्त्र पुनःस्थापना भएपछि पहिलो सभामुख दमननाथ ढुङ्गाना पुनः चुनावी प्रतिस्पर्धामा उत्रनुभएको छ । नेपाली कांग्रेसले भक्तपुर क्षेत्र नं २ बाट उहाँलाई प्रतिनिधिसभा चुनावको प्रतिस्पर्धामा उतारेको हो ।
विस २०४८ को पहिलो संसदीय चुनावमा उहाँ काठमाडौं क्षेत्र नं २ बाट विजय हुनुभएको थियो । यसपछि उहाँ प्रजातन्त्र स्थापनापछि पहिलो पटक गठन भएको व्यवस्थापिका–संसद्मा नेपाली कांग्रेसका तर्फबाट सभामुख पदमा सर्वसम्मतरूपमा चयन हुनुभएको थियो ।
उसो त विसं २०४६ मा प्रजातन्त्र स्थापनाका लागि भएका राजनीतिक आन्दोलन, प्रजातन्त्र स्थापनापछिको अन्तरिम सरकार गठन र अन्तरिम संविधान जारी गर्न उहाँले कानुनी क्षेत्रबाट पु¥याउनुभएको योगदानले तत्कालीन संयुक्त वाममोर्चाका नेतृत्वलाई समेत चकित बनाएको थियो । झण्डै २३ वर्षको अन्तरालमा पूर्वसभामुख ढुङ्गाना विस २०६२÷६३ मा गणतन्त्र स्थापनापछिको तेस्रो चुनावमा होमिनुभएको हो । विस २०५१ को मध्यावधि चुनावमा पराजित भएपछि उहाँ नेकाको मूल राजनीतिभन्दा शान्ति प्रक्रिया टुङ्ग्याउन नागरिक समाजका अगुवामको रूपमा नेतृत्व गर्दै आउनुभएको थियो ।
पाँच चुनावमा विजयी सभापति देउवा र वरिष्ठ नेता पौडेल
प्रजातन्त्र पुनः स्थापना भएपछि सम्पन्न आम चुनावमा विजयी हुँदै आउनुभएका नेका पार्टी सभापति एवम् प्रधानमन्त्री शेरबहादुर देउवा र नेका वरिष्ठ नेता रामचन्द्र पौडेलले आ–आफ्नै गृह जिल्ला क्रमशः डडेलधुरा र तनहुँबाट चुनावी प्रतिस्पर्धामा होमिनुहुने भएको छ ।
विसं २०४८, २०५१, २०५६, २०६४, २०७० का आम चुनावमा उहाँहरूले आ–आफ्नै जिल्लाबाट जनताको मन जित्नुभएको थियो । उसो त ती चुनावमा अहिले नेपाली कांग्रेसका नेता विजयकुमार गच्छदार पनि विजयी हुँदै आउनु भएको छ ।
संविधानसभाका चुनाव विसं २०६४ र विस २०७० का निर्वाचनमा उहाँले मधेशी जनअधिकार फोरम (लोकतान्त्रिक)को अध्यक्षका रूपमा सुनसरीबाट ती चुनावमा विजयी हुनुभएको थियो ।
प्रत्यक्षमा पहिलो पटक उम्मेदवार
नेपाली कांग्रेसकी नेत्री डा आरजुराणा देउवा प्रतिनिधिसभाको चुनावमा पहिलोपटक कैलाली क्षेत्र नं ५ बाट उम्मेदवार चयन हुनुभएको थियो । दोस्रो संविधानसभामा उहाँ समानुपातिक तर्फबाट संविधानसभा सदस्य हुनुहुन्थ्यो ।
यसैगरी नेपाली कांग्रेस संसदीय दलका उपसचेतक ईश्वरीदेवी न्यौपाने पनि पहिलोपटक प्रत्यक्ष चुनावमा कैलाली क्षेत्र नं १ मा टिकट प्राप्त गर्नुभएको छ । यसअघि उहाँ समानुपातिक सदस्य हुनुहुन्थ्यो ।
यसैगरी कैलाली क्षेत्र नं २ बाट नेकाका तर्फबाट मोहनसिंह राठौरले टिकट प्राप्त गर्नुभएको छ । यसअघिको चुनावमा उहाँ नेकपा एमालेका तर्फबाट सोही जिल्लाबाट सांसद पदमा निर्वाचित हुनुभएको थियो ।
लामोसयमदेखि नेकाको केन्द्रीय सदस्य रहनुभएका सुनिलकुमार भण्डारीले पनि कैलाली क्षेत्र नं ४ बाट प्रतिनिधिसभाको चुनावमा टिकट प्राप्त गर्नुभएको छ । उहाँले नेपाल परिवार नियोजन संघको अध्यक्ष हुँदा वहुचर्चित गर्भपतनसम्बन्धी ऐन ल्याउन अहम् भूमिका निर्वाह गर्नुभएको थियो ।
यसैगरी नेकाले प्यूठानमा प्राडा गोविन्दराज पोखरेललाई टिकट दिएको छ । पुनः निर्माण प्राधिकरणको कार्यकारी प्रमुखबाट राजीनामा दिई उहाँ चुनावी प्रतिस्पर्धामा उत्रिनुभएको हो ।
उपत्यकामा अधिकांश पुरानै
नेकाले काठमाडौं उपत्यकाभित्र संविधानसभाको दोस्रो निर्वाचन विसं २०७० को निर्वाचनमा वियजी भएकालाई नै पार्टीका तर्फबाट उम्मेदवार बनाएको छ । काठमाडौंमा नेका पूर्वमहामन्त्री प्रकाशमान सिंहलाई क्षेत्र १ बाट चुनावी प्रतिस्पर्धामा उतारेको छ ।
यसैगरी नेताहरू गगनकुमार थापा, भीमसेनदास प्रधान, नवीन्द्रराज जोशी, ध्यानगोविन्द रञ्जित, दीपक कुइँकेल र राजनकुमार केसीले टिकट प्राप्त गर्नुभएको छ । उहाँहरू यसअघिको निर्वाचनमा पनि विजयी हुनुभएको थियो । नयाँ अनुहारमा काठमाडौँ क्षेत्र नं ५ मा डा प्रकाशशरण महत र क्षेत्र नं ३ मा अम्बिका बस्नेतले टिकट प्राप्त गर्नुभएको छ ।
यसैगरी ललितपुरमा चन्द्र महर्जन र मदनबहादुर अमात्यले प्रत्यक्ष तर्फबाट टिकट प्राप्त गर्नुभएको छ । विसं २०७० को संविधानसभा निर्वाचनमा उहाँहरू सोही जिल्लाबाट विजयी हुनुभएको थियो ।
यस्तै भक्तपुरमा बाबुराजा जोशी र दमननाथ ढुङ्गानाले टिकट प्राप्त गर्नुभएको छ ।
प्रतिक्रिया