८ वर्षिय छोरी हत्या आरोपमा एक महिला पक्राउ

बिराटनगर ६ भदौ।  बिर्तामोड नगरपालिका–५ सुब्बा चोक बस्ने २७ वर्षीया हेमन्ता कुरुम्बाङ लिम्बुलाई प्रहरीले पक्राउ गरेको हो उनी आफ्नो छोरीको हत्या गरेको आरोपमा पक्राउ परेकी छिन्।

उनले आफ्नै ८ वर्षिय छोरी सफल्ता लिम्बुलाई कुटेको र उपचारको क्रममा उनको मृत्यु भएको प्रहरीले जनाएको छ। प्रारम्भिक अनुसन्धान मा स्कुल जानुअघि कपाल कोर्न नमानेको भनेर उनले कुटेकी थिइन्। छोरी गम्भीर भएपछि उनी आफैंले अस्पताल लगिन्। उपचारको क्रममा बिर्तासिटी अस्पतालमा उनको मृत्यु भएको उनको भनाई रहेको प्रहरीले जनायको छ । प्रहरीका अनुसार उनले घटनाबारे राम्रोसँग बताउन पनि  सकेकी छैनन्।

उनका श्रीमान दक्षिण कोरियामा बैदेशिक रोजगारीको क्रमका छन्। छोरीको मृत्युको खबर पाएपछि उनी नेपाल आउने प्रक्रिया रहेका र घटनाको थपकुरा को बारेमा इलाका प्रहरी अनारमनीले घटनाको अनुसन्धान अघि बढाएको छ।