यी हुन् विश्वकै सुरक्षित कार, कुनले कति स्टार पायो ?

हालै कार सेफ्टी रेटिङ एजेन्सी ग्लोबल एनक्यापले भारतको सबैभन्दा लोकप्रिय कारको सेफ्टी रेटिङ सार्वजनिक गरेको छ । ग्लोबल एनक्यापले हालसम्म २५ भारतीय कारको परीक्षण गरिसकेको छ । यी कारले सेफ्टी रेटिङमा ४ वा ५ स्टार पाएका छन् ।

भारतले पनि नयाँ भेइकल्स सेफ्टी एसेसमेन्ट प्रोग्राम क्र्यास टेस्ट लन्च गरेको छ । सबै गाडीहरुलाई नयाँ सेफ्टी एआईएस १४५ सिस्टमको अनुसार अपडेट गरिसकेको छ । एआईएस १४५ अर्थात् अटोमोटिभ इन्डस्ट्रि स्ट्यान्डर्ड १४५ का अनुसार कारमा सिट बेल्ट वार्निङ, एयरब्याग, स्पिड वार्निङ र रिभर्स पार्किङ असिस्ट जस्ता फिचर हुनु अनिवार्य छ ।

टाटा नेक्सन – ५ स्टार
सबै कारमा टाटा नेक्सन मात्र यस्तो कार हो जसले ५ स्टार पाउन सफल भएको छ । यसले एडल्ट अक्युपेन्सीमा १७ मा १३.५६ अंकको साथमा ४ स्टार, चाइल्ड अक्युपेन्सीमा ४९ मा २५ अंकको साथमा ३ स्टार पाउन सफल भएको छ । टाटा नेक्सनलाई गत वर्ष पनि ५ स्टार रेटिङ मिलेको थियो । नेक्सनमा एबीएसको साथमा २ एयरब्याग पनि समावेश गरिएको छ । साथै एक्सजेड प्लस र एक्सजेडए प्लस भेरिएन्टमा आईसोफिक्स फिचर पनि समावेश गरिएको छ । नेक्सनको सबै भेरिएन्टमा दुई एयरब्याग, एबीएस र आईएसओएफआईएक्स चाइल्ड सिट माउन्ट्स स्ट्यान्डर्ड समावेश गरिएको छ ।

मारुती सुजुकी भिटारा ब्रेजा–४ स्टार
सब –४ मिटर सेगमेन्टमा ब्रेजा एसयुभीलाई ग्लोबल एनक्याप क्र्यास टेस्टमा ४ स्टार प्राप्त भएको छ । ब्रेजालाई सो रेटिङ एडल्ट अक्युपेन्सीमा प्राप्त भएको हो । चाइल्ड अक्युपेन्सीमा ब्रेजालाइ २ स्टार मिलेको थियो । ब्रेजालाई एडल्ट प्रोटेक्सनमा १७ मा १२.५१ अंक मिलेको छ भने चाल्इड प्रोटेक्सनमा ४९ मा १७.९३ अंकको साथमा २ स्टार मिलेको हो । यसमा रहेको आइसोफिक्स फिचर ग्लोबल एनक्याप स्ट्यान्डर्डको अनुसार रहेको छैन । ब्रेजामा ट्वीन एयरब्याग, एबीएस, ईबीडी, ड्राइभर सिट बेल्ट रिमाइन्डर र आइसोफिक्स चाइल्ड सिट माउन्ट्स जस्ता फिचर रहेको छ ।

महिन्द्रा मराजो – ४ स्टार
भारतीय बजारमा महिन्द्रा मोटर्सको मराजो यस्तो कार हो, जसलाई ग्लोबल एनक्यामप रेटिङमा ४÷५ स्टार मिलेको छ । मराजोमा स्ट्यान्डर्ड डबल एयरब्यागको साथमा सिट बेल्ट रिमाइन्डर, एबीएस, फ्रन्ट सिट बेल्ट प्रिटेन्शनर्स र रिअर सिट्समा आईसोफिक्स एन्कर्स मिलेको छ । मराजोलाई एडल्ट प्रोटेक्सनमा १७ मा १२.८५ अंक मिलेको छ भने चाइल्ड प्रोटेक्सनमा ४९ मा २२.२२ स्टारको साथमा २ स्टार मिलेको छ ।

टोयोटा इटियोस – ४ स्टार
टोयोटा इटियोसको लागि ४ स्टार मिलेको छ । कारको एडल्ट प्रोटेक्सन रेटिङमा १६ मा १३ स्कोर र चाइल्ड प्रोटेक्सनमा ४९ मा २०.०२ स्कोरको साथमा २ स्टार मिलेको छ । सो कारमा फ्रन्ट सिटबेल्ट प्रिटेन्शनर्स, डुअल फ्रन्ट एयरब्याग, फ्रन्ट प्यासेन्जर एयरब्याग जस्ता फिचर रहेको छ । सो कारको अपडेट भर्सनमा एबीएस, ईबीडी र आइसोफिक्स जस्ता फिचर पनि समावेश गरिएको छ ।

फक्सवागन पोलो – ४ स्टार
पहिलो परीक्षणमा सो कारको लागि जीरो स्टार मिलेको थियो । हाल कम्पनीले स्ट्यान्डर्ड डुअल ब्याग्सको साथमा पोलो भारतमा लन्च गरेको छ । हाल पोलो ग्लोबल एनक्याप क्र्यास टेस्टमा ४ स्टार मिलेको छ । एडल्ट क्र्यास टेस्टमा १७ मा १२.५४ अंक मिलेको छ । पोलोमा ट्वीन एयरब्याग, एबीएस जस्ता सेफ्टी फिचर समावेश रहेको छ ।

टाटा जेस्ट – ४ स्टार
टाटा जेस्टको लागि ग्लोबल एनक्याप क्र्यास टेस्टमा ४ स्टार मिलेको छ । सो कारको एडल्ट प्रोटेक्सनमा १७ मा ११.१५ अंक मिलेको छ भने चाइल्ड प्रोटेक्सनमा ४९ मा १५.५२ अंक मिलेको छ । जेस्टमा ट्वीन एयरब्यागको साथमा ड्राइभर सिट बेल्ट रिमाइन्डर जस्ता फिचर रहेको छ ।

मारुती सुजुकी इग्निस – ३ स्टार
मारुती सुजुकी इग्निसलाई ग्लोबल एनक्याप क्र्यास टेस्टमा ३ स्टार मिलेको छ । सो कारको एडल्ट प्रोटेक्सनमा १७.०० मा ९.९९ अंक मिलेको छ भने चाइल्ड प्रोटेक्सनमा ४९ मा ८ अंक मिलेको छ । इग्निसको ड्राइभर साइडको सिट बेल्ट रिमाइन्डर ग्लोबल एनक्यापको अनुसार रहेको छैन ।

हुन्डाई आई२० – ३ स्टार
हुन्डाईको प्रिमियम ह्याचब्याक आई२० लाई ग्लोबल एनक्यापले ३ स्टार दिएको छ । सो कारलाई एडल्ट प्रोटेक्सन र चाइल्ड प्रोटेक्सनमा २ स्टार मात्र मिलेको छ । कारमा डुअल फ्रन्ट एयरब्याग, एबीएसको साथमा ईबीडी, प्रिन्टेशनर्सको साथमा फ्रन्ट सिटबेल्ट र ड्राइभर सिट बेल्ट रिमाइन्डर जस्ता फिचर रहेको छ ।

मारुती सुजुकी अर्टिगा – ३ स्टार
मारुती सुजुकीको अर्टिगाको लागि ३ स्टार मिलेको छ । अर्टिगाको फ्रन्टमा दुई एयरब्यागको स्ट्यान्डर्ड फिचर रहेको छ । सो कार परीक्षणको समयमा स्ट्रक्चरमा केही कमजोरी देखा प¥यो । सो कार एडल्ट्सको टाउको र घाँटीको लागि सुरक्षित रहेको छ । १८ वर्ष भन्दा कम उमेरको बच्चाको डमीमा गरिएको परीक्षणमा परिणाम सन्तोषजनक थिएन ।

होन्डा अमेज – ४ स्टार
होन्डा अमेजको लागि ४ स्टार मिलेको छ । अमेजमा ड्राइभरको लागि सिट बेल्ट रिमाइन्डर स्ट्यान्डर्ड उपलब्ध रहेको छ । एडल्ट प्रोटेक्सनमा १७ मा १४.०८ अंक मिलेको छ भने चाइल्ड प्रोटेक्सनमा १ स्टार मिलेको छ ।

मारुती सुजुकी वागन आर – २ स्टार
मारुती सुजुकी वागन आरको लागि २ स्टार मिलेको छ । सो कारको टेस्ट भर्सनमा केबल एक एयरब्याग जडान गरिएको थियो । एडल्टको लागि सो कारमा टाउको र घाँटीको लागि सुरक्षा सन्तोषजनक मिलेको थियो । अगाडीको दुई यात्रीको लागि छातीको सुरक्षा कमजोर रहेको छ । १८ महिना भन्दा कम उमेरका बच्चाको लागि कार स्तरीय रहेको छैन ।

हुन्डाई स्यान्ट्रो – २ स्टार
क्र्यास परीक्षणमा सो कारको लागि २ स्टार मिलेको छ । सो कारको स्ट्रक्चर अनस्टेबल रहेको छ । जबकि फुटवेल एरिया पनि अस्थिर रहेको छ । एडल्टको लागि टाउको र घाँटीको लागि सुरक्षा पर्याप्त रहेको छैन । परीक्षणको समयमा ३ वर्षको बच्चाको डमीमा गरिएको परीक्षणमा टाउकोमा ठूलो दवाव परेको थियो ।

ड्याटसन रेडी गो – १ स्टार
कम्प्याक्ट ह्याचब्याक कार रेडी गोको एडल्ट प्रोटेक्सनमा वान स्टार रेटिङ प्राप्त भएको छ । बच्चाको सुरक्षाका लागि यसलाई २ स्टार रेटिङ मात्र दिइएको छ । रेडीगोको टेस्ट भर्सनमा केवल ड्राइभर साइड एयरब्याग मात्र दिइएको थियो । परीक्षणको समयमा यसको स्ट्रक्चर पनि अस्थिर पाइयो । ड्राइभर र यात्रीको हेड प्रोटेक्सन भने सन्तोषजनक पाइयो ।