४० यात्रु बोकेर बझाङबाट काठमाडौं आउँदै गरेको बस कपिलवस्तुमा दुर्घटना
सारांश
- अर्थ जङ्ग शाही बझाङबाट काठमाडौं आउँदै गरेको यात्रु बस शुक्रवार विहान कपिलवस्तुमा दुर्घटना भएको छ।
- ना ६ ख १३३९ नम्बरको बस विहान ५ बजे शिवराज नगरपालिका–३ देउराली मोडमा दुर्घटना भएको हो।
- दुर्घटनामा परी चार पुरूष र दुई महिला गरी ६ जना घाइते भएका छन्।
अर्थ जङ्ग शाही
बझाङबाट काठमाडौं आउँदै गरेको यात्रु बस शुक्रवार विहान कपिलवस्तुमा दुर्घटना भएको छ। ना ६ ख १३३९ नम्बरको बस विहान ५ बजे शिवराज नगरपालिका–३ देउराली मोडमा दुर्घटना भएको हो।
दुर्घटनामा परी चार पुरूष र दुई महिला गरी ६ जना घाइते भएका छन्। बसमा चालिस यात्रु सवार रहेको र हाल घाईतेहरुको अवस्था मध्यम रहेको जिल्ला प्रहरी कार्यालय कपिलवस्तुका डिएसपी मिन बहादुर घलेले जानकारी दिएका छन् ।
उनीहरूको चनौटास्थित सञ्जिवनी अस्पतालमा उपचार भइरहेको छ। तीव्र गति र मोड भएका कारण दुर्घटना भएको प्रहरीको अनुमान छ। दुर्घटना भएको सूचना प्राप्त भएको पाँच मिनेटमै प्रहरी घटनास्थलमा पुगेर घाइतेलाई उद्धार गरी अस्पताल पठाइएको छ।
दुर्घटनापछि चालक भने फरार रहेका छन् । उनको खोजीकार्य जारी रहेको प्रहरीले जनाएको छ ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया