साफ यू-१९ च्याम्पियनसिप : नेपाललाई हराउँदै भारत फाइनलमा
सारांश
- काठमाडौं ।
- साफ यू–१९ च्याम्पियनसिपको सेमिफाईनलमा नेपाललाई हराउँदै भारत फाइनलमा पुगेको छ ।
- दशरथ रंगशालामा भएको दोस्रो सेमिफाइनलमा पेनाल्टी सुटआउटमा नेपाललाई ३–२ गोल अन्तरले पराजित गर्दै भारत प्रतियोगिताको फाइनलमा प्रवेश गरेको हो ।
काठमाडौं । साफ यू–१९ च्याम्पियनसिपको सेमिफाईनलमा नेपाललाई हराउँदै भारत फाइनलमा पुगेको छ । दशरथ रंगशालामा भएको दोस्रो सेमिफाइनलमा पेनाल्टी सुटआउटमा नेपाललाई ३–२ गोल अन्तरले पराजित गर्दै भारत प्रतियोगिताको फाइनलमा प्रवेश गरेको हो ।
निर्धारित समयको खेल १–१ गोलको बराबरीमा सकिएपछि निर्णय पेनाल्टी सुटआउटमा गरिएको थियो । खेलमा अग्रता भारतले २६ औं मिनेटमा शाहिल खुर्सिदको गोलबाट लिएको थियो । पहिलो हाफमा भारत १–० ले अघि बढेको थियो । दोस्रो हाफमा नेपाल समिर तामाङको गोलबाट खेलमा फर्किएको थियो । खेलको ७३ औं मिनेटमा समिरले गोल गर्दै नेपाललाई खेलमा फर्काएका थिए ।
भारतले उपाधिकालागि पाकिस्तानसँग प्रतिस्पर्धा गर्नेछ । पहिलो सेमिफाइनलमा भुटानलाई सडनडेथमा हराउँदै पाकिस्तान फाइनल प्रवेश गरिसकेको छ ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया