सुनसरीका संवेदनशील क्षेत्रमा कर्फ्यू र निषेधाज्ञा कायमै: अफवाहको पछि नलाग्न र सद्भाव राख्न प्रशासनको अपिल
सारांश
- सुनसरीको देवानगञ्ज गाउँपालिकामा हालै भएको घटनापछि स्थानीय प्रशासनले सार्वजनिक शान्ति सुरक्षालाई थप बिग्रन नदिन सुरक्षा घेरा कडा पारेको छ।
- जिल्ला प्रशासन कार्यालय सुनसरीले परिस्थिति नियन्त्रण बाहिर नजाओस् भनी हरिनगर र देवानगञ्जका संवेदनशील बजार क्षेत्रहरूमा सुरक्षा तैनाथी बढाउँदै कडा कानुनी बन्देजहरू लागू गरेको हो।
- नागरिकको जीउधनको रक्षा र अफवाह नियन्त्रणका लागि प्रशासनले आज एक विशेष सूचना जारी गर्दै राजमार्ग क्षेत्रको बाहेक अन्य तोकिएका स्थानमा निषेधाज्ञा र कर्फ्यू आदेश यथावत् रहेको स्पष्ट पारेको छ।
सुनसरीको देवानगञ्ज गाउँपालिकामा हालै भएको घटनापछि स्थानीय प्रशासनले सार्वजनिक शान्ति सुरक्षालाई थप बिग्रन नदिन सुरक्षा घेरा कडा पारेको छ। जिल्ला प्रशासन कार्यालय सुनसरीले परिस्थिति नियन्त्रण बाहिर नजाओस् भनी हरिनगर र देवानगञ्जका संवेदनशील बजार क्षेत्रहरूमा सुरक्षा तैनाथी बढाउँदै कडा कानुनी बन्देजहरू लागू गरेको हो।
नागरिकको जीउधनको रक्षा र अफवाह नियन्त्रणका लागि प्रशासनले आज एक विशेष सूचना जारी गर्दै राजमार्ग क्षेत्रको बाहेक अन्य तोकिएका स्थानमा निषेधाज्ञा र कर्फ्यू आदेश यथावत् रहेको स्पष्ट पारेको छ।
स्थानीय प्रशासन ऐनअनुसार हरिनगर र देवानगञ्ज गाउँपालिकाका सम्पूर्ण क्षेत्रमा बिहान ७ बजेदेखि साँझ ७ बजेसम्मका लागि निषेध आदेश जारी गरिएको छ। यसैगरी, कप्तानगञ्ज, भुटाहा, हरिनगर, घुस्की र देवानगञ्ज जस्ता मुख्य व्यावसायिक चोकहरूलाई चार किल्ला तोकेर अर्को आदेश नभएसम्मका लागि अनिश्चितकालीन कर्फ्यू आदेश जारी राखिएको प्रशासनले जनाएको छ।
शान्ति सुरक्षा खलबल्याउन खोज्ने तत्वहरू सक्रिय हुन सक्ने सम्भावनालाई मध्यनजर गर्दै पूर्वमा नुनिया टोल, पश्चिममा मोरीया खोला र दक्षिणमा नेपाल-भारत सीमासम्मका संवेदनशील क्षेत्रमा सुरक्षाकर्मीको गस्ती तीव्र पारिएको छ।प्रशासनले सर्वसाधारणलाई सामाजिक सद्भाव कायम राख्न र कुनै पनि भ्रमको पछि नलाग्न अपिल गरेको छ।
प्रशासनले परिस्थितिको निरन्तर मूल्यांकन गरिरहेको र अवस्था सामान्य बन्नासाथ यी प्रतिबन्धहरू क्रमशः हटाउँदै लैजाने जनाएको छ।
प्रतिक्रिया