पुष्पाः द रुल र रोहित सेट्ठीको सिंघम बीच भिडन्त हुने

मुम्बई। सन् २०२४ रमाइलो हुने भएको छ किनभने यो वर्ष सिंघम अगेन, पुष्प २ द रुल, स्त्री २ र भुल भुलैया ३ जस्ता धेरै ठूला फिल्मको सिक्वेल आउने भएका छन्।

जुन निकै रोमाञ्चक हुने देखिएको छ।यसले चलचित्र निर्माताहरुको निधारमा पनि चाउरी परेको छ। यो वर्ष रोहित शेट्टीको बहुप्रतिक्षित स्पाई ब्रह्माण्ड फिल्म सिंघम फेरि रिलिज हुँदैछ। फिल्ममा अजय देवगन बाहेक दीपिका पादुकोण, अक्षय कुमार र रणवीर सिंह जस्ता धेरै ठूला अनुहारहरु देखिनेछन्।

तर, यसैबीच अल्लु अर्जुनको बहुप्रतिक्षित फिल्म ‘पुष्पा द रुल’ पनि सोही दिन रिलिज हुने खबर आएको छ।

यी दुवै चलचित्र १५ अगस्टमा टिकट विन्डोमा आमने सामने हुँदैछन्। ट्रेड एनालिस्ट तरण आदर्शले ट्विट गर्दै फिल्मसँग सम्बन्धित नयाँ अपडेट सेयर गरेका छन्। उनले ट्वीट गर्दै लेखेका छन्, ‘पुष्पा २ स्थगित भएको छैन। यो २०२४ को स्वतन्त्रता दिवसको अवसरमा रिलिज हुँदैछ। पुष्प २ पक्कै पनि अगस्ट १५ गते बिहीबार आउँदैछ।

उनले थप लेखेका छन्, ‘सिंघम-२ सँग ठूलो भिडन्त हुन लागेको छ।