माधव नेपाल घरदैलो र मतदाता भेटघाट मा व्यस्थ

काठमाडौं : प्रतिनिधि र प्रदेशसभा निर्वाचनको मिति नजिकिएसँगै काठमाडौंमा वाम गठबन्धनका उम्मेदवारहरु च्ुनावी प्रचारका लागि घरदैलो र मतदाता भेटघाटमा केन्द्रित भएका छन् । आ–आफ्ना क्षेत्रका विकास निर्माण, वडा र टोलका विविध समस्या समाधान गर्ने एजेण्डा र प्रतिबद्धतासहित वाम गठबन्धनका उम्मेदवार घरदैलो र मतदाता भेटघाटमा केिन्द्रत भएका हुन् । दशओटै निर्वाचन क्षेत्रका उम्मेदवारहरु बिहानैदेखि घरदैलोमा सक्रिय भएका छन् ।

नेकपा एमालेका वरिष्ठ नेता तथा पूर्व प्रधानमन्त्री माधवकुमार नेपालले काठमाडौं–२ नम्बर क्षेत्रस्थित कोटेश्वरको महादेवस्थानबाट तिनकुने सुविधानगरसम्म घरदैलो र मतदाता भेटघाट गरेका छन् । सेतीओपीमार्ग कोटेश्वर चोकहुँदै घरदैलो सुविधानगरमा पुगेर सम्पन्न भएको थियो । वरिष्ठ नेता नेपालसँगै प्रदेशसभा ‘क’का उम्मेदवार सानुकुमार श्रेष्ठ पनि सहभागी भएका थिए । पूर्वप्रधानमन्त्री नेपाललाई घर–घरबाट मतदाताहरुले सडकमा ओर्लिएर स्वागत गरेका थिए । । कतिपय वृद्ध–वृद्धाले नेपाललाई मुलुकको नेतृत्व गर्नका लागि शुभकामनासमेत दिएका थिए ।
घरदैलोमा उनले मतदाहरुमाँझ आफ्ना भावी योजनाका बारेमा अवगत गराएका थिए । आफू ३४ वर्षदेखि कोटेश्वरकै स्थानीयबासी भएका कारण स्थानीय समस्याबारे जानकार भएकाले आगामी दिनमा समाधानका लागि पहल लिने प्रतिबद्धता व्यक्त गरे । दुई नम्बर क्षेत्रमा भएको विकास निर्माणको हरेक काममा आफ्नो संलग्नता रहेको भन्दै उनले आगामी दिनमा पनि स्थानीय स्तरमा देखिएका हरेक समस्या समाधानको अगुवाई गर्ने पनि बताए ।

त्यस्तै, महासचिव ईश्वर पोखरेलले पनि निर्वाचन नजिजिएसँगै घरदैलो कार्यक्रमलाई बढाउँदै लगेका छन् । पोखरेलले सोमबार बिहान पाँच नम्बर क्षेत्रका मतदातासँग भेटघाट गरेका थिए । उनले सोमबार अन्नपूर्णमार्गका उपभोक्ता समितिसँग सुकेधारामा भेटघाट र छलफल गरेका थिए । समितिसँगको भेटघाट सकिएलगत्तै पोखरेल काठमाडौं चण्डोलमा घरदैलो कार्यक्रममा सहभागी भए ।

उनले घरदैलो कार्यक्रमका क्रममा स्थानीय स्तरमा हुने विविध विकास निर्माणको काममा आफूले जिम्मा लिने प्रतिबद्वता जनाए । पाँच नम्बर क्षेत्रको विकास निर्माण गर्नु, उक्त क्षेत्रलाई सम्बृद्व बनाउनु एक मात्र उद्देश्य भएको भन्दै आफ्नो उद्देश्य पूरा गर्न स्थानीय मतदाताको सहयोगको अपेक्षा गरेको उनको भनाई थियो । ‘यो क्षेत्रमा विकास निर्माणका काम के के भएका छन्, हुनुपर्ने के के छ, त्यसका बारेमा म जानकार छु, यहाँको समस्याको बारेमा पनि म जानकार छु, त्यसैले तपाईहरुले भोग्दै आएको समस्या समाधान गर्ने अवसर दिनुहुनेछ भन्ने मैले अपेक्षा गरेको छु’ उनले भने ।
त्यस्तै क्षेत्र नं ४ मा वाम गठबन्धनकातर्फबाट एमालेका उम्मेदवार डा. राजन भट्टराईले पनि चुनाबी अभियान तथा घर दैलोलाई तिब्रता दिनुभएको छ । भट्टराईले सोमबार बिहान बुढानिलकण्ठ नगरपालिका वडा नं–१० को बालुवाखानी, लसुनटार र जोरधाराका मतदातासगं भेटघाट तथा घरदैलो कार्यक्रम सम्पन्न गरे ।

भेटघाटका क्रममा नेता भट्टराईले बुढानिलकण्ठ नगरपालिकाको घोषणा पत्र नै आफ्नो घोषणापत्र भएको बताउदै घोषणपत्र बमोजिम यो क्षेत्रको समृद्धि र बिकासका लागि लागी पर्ने बताए । उनले भने, यो क्षेत्रको बिकासका काममा जनप्रनिधि भएर काम गर्नेछु, ,अमुल्य मत दिएर सेवा गर्ने अवसर प्रदान गनुहुनेछ भन्नेमा बिश्वस्त छु ।’
त्यस्तै, क्षेत्र नं ९ का उम्मेदवार एमाले नेता कृष्ण गोपाल श्रेष्ठले पनि चुनाब प्रचार प्रसार तथा घरदैलो कार्यक्रमलाई तिब्रता दिएका छन् । सोमबार बिहान प्रदेश सभा (क) उम्मेदवार डा. अजय क्रान्ती शाक्य सहितको टोलीले बल्खु लगायत वडा नं १२, २१ र २२ मा घर दैलो कार्यक्रम सम्पन्न गरे । साथै, सोमबार दिउसो दहचोक र भिमढुगांका बिभिन्न स्थानमा कोठेभेला , घरदैलो र भेटघाट कार्यक्रम गरे ।

काठमाण्डौ क्षेत्र नं ८ का एमाले नेता जिबनराम श्रेष्ठले पनि चुनाबी प्रचार प्रसार ,भेटघाट तथा घरदैलोलाई अगाडी बढाएका छन् । नेता श्रेष्ठले सोमबार बिहान प्रदेश सभा (क)का उम्मेदवार राजेश शाक्य सहितले वडा नं १९ को मरुहिटी ,गणेश मन्दिर ,चसान लगायतका स्थानमा घर दैलो सम्पन्न गर्नुभएको छ ।
घरदैलोका क्रममा स्थानीयको उल्लेख्य सहभागीता रहको थियो । नेता श्रेष्ठले आफु यहि स्थानमा जन्म,पढी बढी हुर्केकाले यो स्थानको माया साथै यो स्थानका समस्याका बिषयमा आफु जानकार भएको बताए । एकपटक मौका दिनुहोस यो ठाउको मुहार फेर्छु , उनले भने ।

नेता श्रेष्ठको सोमबार साँझ ३ बजेदेखि पुन घरदैलो कार्यक्रम रहेको छ । त्यो समयमा उहाँले डल्लुआभास ,भिमसेन लगायतका स्थानमा कोठेभेला,टोलभेला गर्ने कार्यक्रम रहेको छ । त्यस्तै, काठमाडौं क्षेत्र नम्बर १, ३, ६ र १० मा पनि वाम गठबन्धनका उम्मेदवारहरुले घरदैलो कार्यक्रमलाई तीब्रता दिएका छन् ।