भक्तपुरमा फेरी व्यवसायीको हत्या, तीन जना पक्राउ
सारांश
- भक्तपुर, माघ ३ ।
- माटो व्यवसायीमा संलग्न एक व्यवसायीको आज हत्या भएको छ ।
- चाँगुनारायण नगरपालिका–९ ताथली बस्ने ५५ वर्षीय सीताराम सैंजूको हत्या भएको हो ।
भक्तपुर, माघ ३ । माटो व्यवसायीमा संलग्न एक व्यवसायीको आज हत्या भएको छ । चाँगुनारायण नगरपालिका–९ ताथली बस्ने ५५ वर्षीय सीताराम सैंजूको हत्या भएको हो ।
महानगरीय प्रहरी परिसर भक्तपुरले दिएको जानकारी अनुसार आज बिहान ५ बजे सैंजूको शव भक्तपुर नगरपालिका–९ ब्रह्मायणीमा घोप्टो परेको अवस्थामा भेटिएको हो ।
प्रहरीको प्रारम्भिक अनुसन्धानमा ढुंगाले हानेर हत्या गरेको आशंका गरेको बताउँदै उनले मृतकको टाउकोको पछाडि गम्भीर चोट लागेको जानकारी दिए ।
हत्यामा संलग्न रहेको आशंकामा प्रहरीले तीन जनालाई नियन्त्रणमा लिएर अनुसन्धान गरिरहेको प्रहरीले जानकारी दिएको छ ।
शव परीक्षणका लागि शिक्षण अस्पताल महाराजगञ्ज पठाएर घटनाको थप अनुसन्धान सुरू गरेको उनको भनाइ थियो ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया