आजपनि ओली–प्रचण्डबीच भेटवार्ता हुँदै, यस्ता छन् छलफलका एजेण्डा ?
सारांश
- काठमाडौं, माघ ६ ।
- एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल ‘प्रचण्ड’बीच आजपनि भेटवार्ता हुँदैछ ।
- प्रदेश सरकार गठन र पार्टी एकताबारे बाम गठवन्धनका दुई शीर्ष नेताहरु छलफल हुन लागेको हो ।
काठमाडौं, माघ ६ । एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल ‘प्रचण्ड’बीच आजपनि भेटवार्ता हुँदैछ । प्रदेश सरकार गठन र पार्टी एकताबारे बाम गठवन्धनका दुई शीर्ष नेताहरु छलफल हुन लागेको हो ।
राष्ट्रियसभामा साझा उम्मेदवार चयनबारे सहमति गरिसकेका ओली र प्रचण्डले आज प्रदेश सरकारको प्रारम्भिक खाका र पार्टी एकताबारे छलफल गर्न लागेका एमाले अध्यक्ष ओलीका प्रेस संयोजक चेतन अधिकारीले जानकारी दिए ।
दुई शीर्ष नेताहरुवीच अपरान्ह छलफल हुने भनिएपनि समय र स्थान तय भइनसकेको उनले बताए । यसअघि हिजो ओली र प्रचण्डबीच वान टु वान वार्ता भएको थियो ।
प्रदेश सरकार गठन प्रक्रियाबारे भने दुई शीर्ष नेताहरुको आजको बैठकले टुङ्गो लगाउने बताइएको छ । प्रदेश सरकार र प्रदेशसभाका मुख्य पदमा कति सिट भागबण्डा गर्ने भन्नेमा दुईदलबीच ठोस सहमति भइसकेको छैन ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया