माओवादीले यसरी टुंगो लगाउने भयो दुई मुख्यमन्त्री र दुई सभामुखका नाम
सारांश
- काठमाडौँ, माघ १७ ।
- नेकपा माओवादी केन्द्रले प्रदेश इन्चार्जको समन्वयमा मुख्यमन्त्री र प्रदेश प्रमुख छान्ने भएको छ ।
- प्रदेश इन्चार्जहरुसँगको समन्वय अनुसार केही दिनमै मुख्यमन्त्री र सभामुख चयन गर्न लागिएको माओवादी प्रवक्ता पम्फा भुसालले जानकारी दिइन् ।
काठमाडौँ, माघ १७ । नेकपा माओवादी केन्द्रले प्रदेश इन्चार्जको समन्वयमा मुख्यमन्त्री र प्रदेश प्रमुख छान्ने भएको छ ।
प्रदेश इन्चार्जहरुसँगको समन्वय अनुसार केही दिनमै मुख्यमन्त्री र सभामुख चयन गर्न लागिएको माओवादी प्रवक्ता पम्फा भुसालले जानकारी दिइन् । प्रवक्ता भुसालका अनुसार, मुख्यमन्त्रीमा आकाङ्क्षी बढेपछि पार्टीका प्रदेश इन्चार्जसँग छलफलका आधारमा पार्टी केन्द्रले आवश्यक निर्णय गर्न लागिएको हो । उपयुक्त व्यक्तिलाई उपयुक्त जिम्मेवारी दिने हिसाबले पार्टीले निर्णय गर्ने प्रवक्ता भुसालको भनाइ छ ।
नेकपा एमाले र माओवादी केन्द्रबीच भएको सहमतिअनुसार माओवादी केन्द्रले प्रदेश नं ६ र ७ को मुख्यमन्त्री पाएको छ । माओवादी केन्द्रले प्रदेश नं ४ र ५ मा सभामुख पाएको छ । यसैगरी, प्रदेश नं ४ र ५ एमालेले १, ३, ६ र ७ मा माओवादी केन्द्रले उपसभामुख लिने सहमति भएको छ ।
माओवादी केन्द्रले प्राप्त गरेको प्रदेश नं ६ मा पूर्वमन्त्री महेन्द्रबहादुर शाही र नेता नरेश भण्डारी मुख्यमन्त्रीमा आकाङ्क्षी देखिएका छन् । यस्तै प्रदेश नं ७ मा वीरमान चौधरी, झपट बोहोरा र त्रिलोचन भट्ट चर्चामा छन् ।
प्रतिक्रिया