नवराज सिलवाल र जयवहादुर चन्द को खोजी हेटौंडामा !

हेटौंडा, ७ असार । नेपाली कांग्रेसका जिल्ला सभापतिहरुको भेलामा धादिङका सभापति रमेश धमलाले नेपाल प्रहरीका पूर्वडीआईजीहरुको खोजी गरेका छन ।

देउवा र निधिकै सामुन्ने सभापति धमलाले नवराज सिलवाल र जयवहादुर चन्द अहिले कहाँ छन् ? भन्दै कटाक्ष गरेका हुन् । मेनपावर व्यवसायीलाई राजदूत बनाउने, प्रधानन्यायाधीशलाई इगोका भरमा महाअभियोग लगाउने र आईजीपी नियुक्तिमा फरक फरक व्यक्ति बोकेर पार्टीलाई क्षति पुर्‍याउने काम भएको सभापतिहरुले बताए ।

‘तपाईहरुलाई पैसा भए हुने, अहिले नवराज सिलवाल कहाँ छन् रु जयबहादुर चन्द अहिले तपाईसँग छन् रु’ धमलाले भने ‘ हिजो तपाईहरुले बोकेका व्यक्ति तपाईसँग छैनन् ।’

धमलाले भने , ‘महाअभियोग प्रकरणमा गृहमन्त्रीबाट राजीनामा दिएको मान्छे अँध्यारो कोठाभित्र बसेर कतिमा मिलेर फिर्ता गर्नुभयो ?’

आईजीपी नियुक्तिका बेला निधिले नवराज सिलवालको पक्ष लिएका थिए भने देउवाले चन्दलाई नियुक्त गर्न दबाव दिएका थिए । त्यही क्रममा कांग्रेसले तत्कालीन माओवादी केन्द्रसँग मिलेर तत्कालीन प्रधानन्यायाधीश सुशीला कार्कीविरुद्ध महाअभियोग दर्ता गरेको थियो । कार्कीको अवकाशसँगै सिलवालले मुद्दा हारे ।

जिल्ला सभापतिहरुको भेलामा बोल्ने क्रम जारी छ ।