असार १५ मा पूर्वप्रधानमन्त्री डा. बाबुराम भट्टराईको खेताला रुप
सारांश
- काठमाडौं, १५ असार ।
- पूर्वप्रधानमन्त्री तथा नयाँ शक्ति पार्टी नेपालका संयोजक डा.
- बाबुराम भट्टराईको हली रुप देख्न मिलेको छ ।
काठमाडौं, १५ असार । पूर्वप्रधानमन्त्री तथा नयाँ शक्ति पार्टी नेपालका संयोजक डा. बाबुराम भट्टराईको हली रुप देख्न मिलेको छ । असार १५ को धान दिवसको अवसरमा उनी आफ्नै गृहजिल्ला गोरखा पुगेर हली रुपमा प्रकट भएका हुन् ।
पूर्वप्रधानमन्त्री डा. भट्टराई शुक्रवार गृहजिल्ला गोरखाको सिरानचोक गाउँपालिका पुगेका हुन् । आफू हुर्केको दरौंदी किनारस्थित जरेबर फाँट पुगेर डा. भट्टराईले अनौ समातेर खेत हिल्याएका थिए । डा. भट्टराईले हलो जोत्नेमात्र होइन बाउसे गर्नुका साथै महिलाहरूसँगै ब्याड पनि काढेका थिए । उनले गरा सम्याउने लगायतका काम गर्दै गाउँलेहरुसँग रमाएका थिए ।
नयाँ शक्ति पार्टीको गोरखा जिल्ला समिति र सिरानचोक गाउँपालिकाले संयुक्त आयोजनामा जरेबर फाँटमा धान दिवसको आयोजना गरिएको थियो । सोही कार्यक्रममा पूर्वप्रधानमन्त्री डा. भट्टराई करीव ३ घण्टासम्म रोपाईंमा सहभागी भएका थिए ।
नयाँ शक्ति पार्टीका नेता÷कार्यकर्ता र स्थानीयसमेत गरी करिब ३ सय जनाको धान दिवसमा सहभागिता रहेको थियो । स्थानीय मिश्रा कुमालको खेतमा शुक्रबार ६ हल गोरु नारिएको थियो ।
प्रतिक्रिया
Neupane Kishor
Yo po ho ta
Purushotam Sharma Rimal
हलीलाइ प्रधानमन्त्री सुट नगरेको त तेसैले पो रहेछ त ।
Ghatal Bhim Nabin
Nice job sir
Mohan Thapa
Halo jotne khetala haina ho. Arkai k vanxan
Rajendra Shrestha
Yo ta puranai parichaya hoina ra? Yehi chhodera …ke …pasal po kholeko Bigyapan suneko thiye.