मुग्लिन-नारायणगढ र पाल्पामा पहिरो जाँदा बाटो रोकियो
सारांश
- काठमाडौं, १८ असार – नारायणगढ–मुग्लिन सडकखण्ड अन्र्तगत कालीखोला, तोपे खोला र जलविरेमा पहिरो जाँदा बाटो अवरुद्ध भएको छ ।
- प्रहरीका अनुसार सवारी साधनलाई एक लेनमा आलोपालो गरी चलाइएको छ ।
- सडकखण्डमा विभिन्न स्थानमा आज बिहान पहिरो झरेकाले सवारी साधनलाई आलोपालो चलाइएको हो ।
काठमाडौं, १८ असार – नारायणगढ–मुग्लिन सडकखण्ड अन्र्तगत कालीखोला, तोपे खोला र जलविरेमा पहिरो जाँदा बाटो अवरुद्ध भएको छ । प्रहरीका अनुसार सवारी साधनलाई एक लेनमा आलोपालो गरी चलाइएको छ ।
सडकखण्डमा विभिन्न स्थानमा आज बिहान पहिरो झरेकाले सवारी साधनलाई आलोपालो चलाइएको हो । पानी परिरहेका कारण पहिरो झर्ने क्रम जारी रहेकोले तत्कालै पहिरो पन्छाउन समय लाग्ने इलाका प्रहरी कार्यालय मुग्लिनले जानकारी दिएको हो ।
त्यसैगरी सिद्धार्थ राजमार्ग अन्तरगत पाल्पाको तिनाउ गाउँपालिका-३ हेडबक्समा पनि गएराती पहिरो जाँदा बाटो अवरुद्ध भएको छ । आइतबार राति ११ बजे खसेको पहिरोका कारण सवारी आवागमन अवरुद्ध भएको हो ।
पहिरोका कारण पाल्पा,गुल्मी, स्याङजा,कास्की संचालन हुने सवारी साधनको आवागमन अवरुद्ध भएको जिल्ला प्रहरी कार्यालय पाल्पाले जनाएको छ । पानी परिरहेका कारण अवरुद्ध सडक खुलाउने समय लाग्ने भएको प्रहरीले जानकारी दिएको छ ।
प्रतिक्रिया