हामी हनिमुन मनाउन होइन, काम गर्न आएका हौं : प्रधानमन्त्री ओली
सारांश
- काठमाडौं ।
- प्रधानमन्त्री केपी शर्मा ओलीले अग्रगमन विरुद्धका सबै प्रयास नियन्त्रण गरिने बताएका छन् ।
- प्रेस चौतारी र प्रेस सेन्टरले आयोजना गरेको अन्तरक्रियामा प्रधानमन्त्रीले सरकार गठन भएकै दिनदेखि हनिमुन मनाउन नदिने भन्दै काँग्रेसले बखेडा झिकेको बताए ।
काठमाडौं । प्रधानमन्त्री केपी शर्मा ओलीले अग्रगमन विरुद्धका सबै प्रयास नियन्त्रण गरिने बताएका छन् । प्रेस चौतारी र प्रेस सेन्टरले आयोजना गरेको अन्तरक्रियामा प्रधानमन्त्रीले सरकार गठन भएकै दिनदेखि हनिमुन मनाउन नदिने भन्दै काँग्रेसले बखेडा झिकेको बताए ।
“हामी हनिमुन मनाउन आएका होइनौं । काम गर्न आएका हौं” प्रधानमन्त्री ओलीले भने, “सरकार गठन भएकादिन देखि अपदस्थ गर्छौं भन्नेहरुलाई थाहा हुनप¥यो चुनावबाट मात्र अपदस्थ गर्न सकिन्छ । जसरी हामीले काँग्रेसलाई अपदस्थ ग¥यौं ।”
प्रधानमन्त्री ओलीले मन्त्रीहरुका अनुपयुक्त बोलीमा आफ्नो ध्यान भएको बताए । त्यस्ता कुरालाई विधिसम्मत ढंगले सम्बोधन हुने बताए ।
सरकारका बारेमा सञ्चार माध्यमहरुलाई गलत सुचना प्राप्तभएको हुन सक्ने प्रधानमन्त्री ओलीको भनाइ छ । “सरकारले राम्रा काम गरेको छ । रेल ल्याउने कुरा गरेको छ । मेलम्चीको पानी चाँडै काठमाडौं आउँदैछ” प्रधानमन्त्रीले भने, “अघिल्लो सरकारले धेरै वेथिति छोडेर गएकोले त्यसको सुधारका लागि केही समय लाग्छ । यो स्थायी सरकार हो । पाँच महिनामा नै आतिनुपर्ने केही छैन ।” सुशासन र विकास हुन नदिने प्रयासलाई सफल हुन नदिने भन्दै प्रधानमन्त्री ओलीले भ्रष्टाचार नियन्त्रणमा आफू गम्भीर भएको बताए ।
प्रधानमन्त्री ओलीले कम्युनिष्टहरुको सरकार आएको मन नपराउनेहरु अहिले विभिन्न नाममा आन्दोलनमा लागेको बताए । “उनीहरुलाई खटपट भएको छ, जसले प्रचण्डको टाउको ल्याउनेलाई ५० लाख दिन्छौं भनेका थिए । उही व्यक्ति शासनमा छ अहिले । जसले मलाई जेलमा सडाउन खोजेका थिए उही व्यक्ति प्रधानमन्त्री छु अहिले” प्रधानमन्त्री ओलीले भने । “यो षडयन्त्र हुन्छ भन्ने कुरा हामीलाई पहिल्यै थाहा थियो । त्यसकारण यस्ता षडयन्त्रबाट डराउनुपर्ने केही छैन ।”
प्रधानमन्त्री ओलीले काँँग्रेसलाई प्रश्न गरेका छन्, “काँग्रेस लोकतान्त्रिक पार्टी हो कि होइन? कतिपय ठाउँमा बस्त्र उतारेर बोलेको छ । कतिपय ठाउँमा बुर्का ओडेर बोलेको छ । ” नेपालमा अब लोकतन्त्रको नेतृत्व नेपाल कम्युनिष्ट पार्टीले गर्ने प्रधानमन्त्रीको दाबी छ ।
प्रतिक्रिया
Damodar Dahal
काम गरौं न त !
Prithvi Raj Subedi
an empty vessel sounds much
Bhakta Bdr Sodari
Hanimun Jastai lago
Chuda Mani Acharya
जवानीदेखि बृद्धावस्थासम्म सधैं हनिमुन मात्र मनाइरहन पाए अरू नै के पो चाहिन्थ्यो र ?
Thapa Harka
Tyo ta dekhi rakhexa ni dharara ma chadera tuien ma chadera .
Prasad Lila
हामिलाइ गफ होइन ओलिबा काम चाइएको हो कति सम्झाउनु
Ashok Gahatraj
सरिर ले काम गर्छ र हनिमुन मनाउन
Alok Basnet
Auta ramro kamta dungal chutno ho