गठबन्धनका उम्मेदवारलाई पछि पार्दै दिनेश राई वडाध्यक्षमा पुनःनिर्वाचित

सार्जुन राई, खोटाङ
अघिल्लो स्थानीय तहको निर्वाचनबाट वडाध्यक्षमा चुनिएर पाँच वर्षे कार्यकाल पूरा गरेका दिक्तेल रुपाकोट मझुवागढी नगरपालिका–१४ बुइपाका दिनेश राई पुनः भारि मत ल्याएर वडाध्यक्षमा निर्वाचित भएका छन् । नेकपा एमालेको तर्फबाट वडाध्यक्षमा उम्मेदवारी दिएका राईले ११ सय ११ मत ल्याउँदै दोस्रँे कार्याकालका लागि पनि आफ्नो सिट सुरक्षित गरेका हुन् । राईको निकटतम प्रतिस्पर्धी पाँच दलीय गठबन्धनको तर्फबाट वडाध्यक्षको उम्मेदवार बनेको माओबादी केन्द्रका नारायण राईले ८ सय ८५ मत ल्याए ।

अघिल्लो कार्यकालमा भएको बिकास र बुइपाबासीको हितमा उल्लेख्य काम गरेका कारण नै दोश्रो कार्यकालको लागि आफुले उत्साहजन मत पाएको निर्वाचित वडाध्यक्ष राइले बताए । वडाध्यक्षमा पुननिर्वाचित बनेका राईले बाँकी रहेका विकास निर्माणका कामहरुलाई तिव्रताका साथ सम्पन्न गर्ने स्थानीयबासी बताउँछन् ।