प्रदेशको सुरक्षा व्यवस्था मजबुत:डिआईजी रिजाल

बिराटनगर,साउन २९ । विप्लव माओबादीले आहवान गरेको बन्दले प्रदेश १ मा खासै प्रभाव नपरेको प्रदेश प्रहरी कार्यालयले जनाएको छ । बन्दलाई लक्षित गरी झापाको गौरादहमा नक्कली बम पड्काएको र दमकबाट पर्चा बांड्दै हिडेका दुइ युवालाइ पक्राउ गरेको बाहेक अहिलेसम्म प्रदेश १ को अवस्था सामान्य रहेको १ नंम्बर प्रदेश प्रहरी कार्यालय बिराटनगरका डिआईजी केदार रिजालले जानकारी दिए ।लामो दुरीका सबारी साधन छिटफुट रुपमा संञ्चालन आएको छ भने साना सबारी साधन निर्बाध रुपमा संञ्चालन भइरहेको रिजालले बताए । साथै उघोग कलकारखाना तथा केही जिल्लाहरुका शैक्षिक संस्था समेत संञ्चालन भइरहेको जानकारी दिए ।पहाडी भेगमा भने सामान्य रुपमा दिउसो देखि सबारी साधन संञ्चालनमा आएको उनले बताए । ‘बन्दको प्रभाव खासै देखिदैन’ डिआईजी रिजाल भन्छन् ‘प्रहरीले आफ्नो सुरक्षा व्यवस्था मजबुद बनाएको छ’ ।

बन्दलाई सफल बनाउन १  नम्बर प्रदेश बाहेक अरु स्थानमा बम फेला परेपनि प्रदेशको सुरक्षामा व्यापक सुरक्षाकर्मी परिचालन गरिएको कारण अहिलेसम्म शंकाष्पद बस्तु फेला नपरेको उनले बताए । सबै जिल्ला प्रहरी कार्यालय र त्यसका मातहतका प्रहरी कार्यालयमा सादा पोसाकका प्रहरी परिचालन गरेका छौ’ ‘ति सादा पोसाकका प्रहरीका साथमा हतियार समेत दिएर परिचालन गरेका छौ’।राजमार्ग र बजारलाई केन्द्रित सुरक्षा लाई  ध्यानमा राखेर प्रदेश का सबै ठाँउमा सादा पोसाकका प्रहरी परिचालन गरेका उनले वताए।

डिआईजी रिजालले प्रदेशको सुरक्षा व्यवस्था मजबुत भएकाले ढुक्क रहन सर्वसाधारणलाई आग्रह समेत  गरेका छन् ।