पहिले दर्ता गरेर मात्रै विवाह गर्ने कानुन ल्याइने
सारांश
- काठमाडौं ।
- प्रदेशका एक मन्त्रीले पहिले विवाह दर्ता गरेर मात्रै विवाह गर्नुपर्ने कानुन बनाउने बताएका छन् ।
- बालविवाह न्युनिकरणका लागि कानुन बनाइ दर्ता पहिले गरेर बल्ल विवाह गर्नुपर्ने बताएका हुन् ।
काठमाडौं । प्रदेशका एक मन्त्रीले पहिले विवाह दर्ता गरेर मात्रै विवाह गर्नुपर्ने कानुन बनाउने बताएका छन् । बालविवाह न्युनिकरणका लागि कानुन बनाइ दर्ता पहिले गरेर बल्ल विवाह गर्नुपर्ने बताएका हुन् ।
प्रदेश नं ५ का संघीय मामिला तथा कानुनमन्त्री कुलप्रसाद केसीले विवाह दर्तापछि मात्रै विवाह गर्न पाउने कानुन बनाउनुपर्ने बताएका हुन् । अझै पनि बालविवाह गर्ने क्रम नरोकिएकाले कानुन बनाएर त्यसलाई न्यूनीकरण गर्नुपर्ने भनाइ छ ।
तुलसीपुरमा महिला हिंसाविरुद्धको १६ दिने अभियानअन्तर्गत जिल्लास्तरीय बालविवाह न्यूनीकरण सम्बन्धी उपायका लागि मन्त्री केसीले यस्तो नीति बनाएर बालविवाह न्यूनीकरण हुनसक्ने बताए ।
“पहिलो विवाह दर्ता गर्ने अनि मात्रै विवाह गर्न पाउने मान्यता दियो भने अहिलेजस्तो सानै उमेरमा बालविवाह गर्ने समस्याको अन्त्य हुन्छ,” मन्त्री केसीले भने, “त्यसका लागि कानून निर्माणमा समेत प्रदेश सरकारले पहल थाल्नेछ ।”
प्रतिक्रिया