‘नेपाल डुबाउने गरी भारतले बनाएका बाँधको अनुगमन गर्नुपर्छ’
सारांश
- काठमाडौं, २९ वैशाख – प्रधानमन्त्री केपी शर्मा ओली र भारतका प्रधानमन्त्री नरेन्द्र मोदीले शुक्रबार साँझ वान टु वान वार्ता गरेका छन् ।
- त्यसपछि दुई प्रधानमन्त्रीबीच द्धिपक्षीय वार्ता भएको थियो ।
- वार्तापछि पत्रकार सम्मेलनमा प्रधानमन्त्री ओलीले दुई देशबीच उच्चस्तरको भ्रमणले नेपाल–भारत सम्वन्ध र साझेदारीतालाई नयाँ गति दिएको बताए ।
काठमाडौं, २९ वैशाख – प्रधानमन्त्री केपी शर्मा ओली र भारतका प्रधानमन्त्री नरेन्द्र मोदीले शुक्रबार साँझ वान टु वान वार्ता गरेका छन् । त्यसपछि दुई प्रधानमन्त्रीबीच द्धिपक्षीय वार्ता भएको थियो ।
वार्तापछि पत्रकार सम्मेलनमा प्रधानमन्त्री ओलीले दुई देशबीच उच्चस्तरको भ्रमणले नेपाल–भारत सम्वन्ध र साझेदारीतालाई नयाँ गति दिएको बताए ।
प््रधानमन्त्री ओलीले नेपाल र भारतले २१ औं शताब्दीको परिवर्तित स्थिति र यर्थाथलाई सम्वोधन गरेर अघि बढ्ने बताए । भारतले बनाएका सीमा बाँधबाट बर्षेनी नेपाली भू-भाग डुवानमा परेको भन्दै त्यसको तत्काल अनुगमनका लागि संयुक्त टिम परिचालन गर्नुपर्नेमा जोड दिए । साथै सीमा व्यापार र कनेक्टिभिटी बढाउन दुवै देश तयार रहेको स्पष्ट गरे ।
प्रधानमन्त्री ओलीपछि प्रधानमन्त्री मोदीले नेपालीमा सम्वोधन गर्दै भ्रमणमा निम्ताएर आतिथ्यता प्रदान गरेकोमा प्रधानमन्त्री ओलीलाई धन्यवाद दिएका थिए ।
आफू प्रधानमन्त्री भएपछि तेश्रो पटक नेपाल भ्रमणमा रहेको बताउँदै नेपालको महत्वबारे बोलेका थिए । प्रधानमन्त्री मोदीले आफ्नो भ्रमण र वार्ताले नेपाल भारत सम्वन्धमा नयाँ उर्जा र नयाँ गतिको संचार गरेको दाबी गरे ।
प्रतिक्रिया
Ganesh Shakya
मोदिको भ्रमणबाट यो पल्ट आम नेपाली खुशी छैन भन्ने कुरो बुझौ ।