प्रहरी हिरासतमा रहेका ब्यक्ति मृत फेला

प्यूठान, बैशाख २९

प्यूठान स्थित इलाका प्रहरी कार्यालय भिंगृको शौचालयमा एक जना ब्यक्ति मृत फेला परेका छन् । स्वर्गद्वारी नगरपालिका वडा नं. ५ निवासी भुपेन्द्र गिरी गएराती मृत फेला परेका हुन् । घरायसी झगडामा अनुसन्धान गर्न भनि ल्याइएका ब्यक्ति शौचालयमा मृत भेटिनु यो घटना रहस्यमय बनेको स्थानीयवासीले बताए । प्रहरीले यो घटनालाइ आत्महत्या भनेको छ ।

गएराती करिब १ बजेको समयमा शौचालयमा गएको प्रहरीले जनाएको छ । धेरैबेरसम्म नआएपछि उनलाई खोज्न गएका बेला गिरी शौचालयमा मृत भेटिएका हुन् । घटना रहस्यमय भएको भन्दै स्थानीयवासीले अहिले प्यूठान–रोल्पा सडक खण्ड बन्द गराएका छन् । प्रहरीको कुटपिटबाट मृत्यु भई घटना रहस्यमय बनाउन शौचालयमा झुण्डाइएको हुनसक्ने स्थानीयको आरोप छ ।

मृतक ब्यक्तिको पोष्टमार्टमा आधारमा पिडितका आफन्तहरुले थप संघर्षका कार्यक्रम अँघि सारीने जानकारी गराएका छन् । उनीहरुले घटनाको यथार्त छानबिन, दोषी ब्यक्तिलाई कारवाहीको माग र मृतकका परिवारलाई उचित क्षतिपुर्तिको माग गरी यातायात सेवा बन्द गराएका हुन् ।

भिंगृबाट सिपी खनालको सहयोगमा सलिम अन्सारी ।