अनिलकिशोरको नेतृत्वमा युवक संघको नयाँ केन्द्रीय समिति
सारांश
- काठमाडौं, ३१ बैशाख ।
- अखिल नेपाल युवक संघको सातौं राष्ट्रिय सम्मेलनले अनिलकिशोर घिमिरेको अध्यक्षतामा नयाँ केन्द्रीय कार्यसमिति चयन गरेको छ ।
- पोखरामा भएको राष्ट्रिय सम्मेलनले उक्त केन्द्रीय समिति चयन गरेको हो ।
काठमाडौं, ३१ बैशाख । अखिल नेपाल युवक संघको सातौं राष्ट्रिय सम्मेलनले अनिलकिशोर घिमिरेको अध्यक्षतामा नयाँ केन्द्रीय कार्यसमिति चयन गरेको छ । पोखरामा भएको राष्ट्रिय सम्मेलनले उक्त केन्द्रीय समिति चयन गरेको हो ।
नवनिर्वाचित कार्यसमितिमा अध्यक्ष अनिलकिशोर घिमिरे, उपाध्यक्षहरु लक्ष्मण पुन, पियारी थापा र मुकुन्द रोका, महासचिव कृष्णराज पाण्डे, सचिव भक्त विक र प्रशान्त थापा, कोषाध्यक्ष भीमसेन बन रहेका छन् । केन्द्रीय समितिमा २५ पूर्ण सदस्य र ८ वैकल्पिक गरी ३३ सदस्यीय केन्द्रिय समिति चयन गरिएको छ । त्यस्तै, १ सय ११ सदस्यीय राष्ट्रिय परिसद् गठन गरेको छ ।
राष्ट्रिय सम्मेलन भव्यतापूर्वक सम्पन्न भएको बताउँदै नवनिर्वाचित अध्यक्ष घिमिरेले सम्मेलन सफल पार्न सहयोग पुराउने सबै पक्षलाई हार्दिक आभार व्यक्त गरेका छन् । युवक संघ नेपाल कम्युनिष्ट पार्टी (मसाल)को जनवर्गीय हो ।
प्रतिक्रिया