आइपिएलको उपाधि मुम्बईलाई, चेन्नई १ रनले पराजित
सारांश
- काठमाडौं ।
- आईपीएल १२ को उपाधि मुम्बई इडियन्सले जितेको छ ।
- मुम्बईको यो आईपीएलको चौथो उपाधि हो ।
काठमाडौं । आईपीएल १२ को उपाधि मुम्बई इडियन्सले जितेको छ । मुम्बईको यो आईपीएलको चौथो उपाधि हो । चेन्नई सुपर किंग्सलाई जारी आईपीएलमा चौथो पटक हराउँदै उपाधि कब्जा गरेको हो ।
१५० रनको लक्ष्य पछ्याएको चेन्नई ७ विकेटमा १४८ रनमा सिमित भयो । मुम्बईले टस जितेर पहिला ब्याटिंग गर्दै चेन्नईलाई १५० रनको लक्ष्य दिएको थियो । शेन वाट्शनले उत्कृष्ट ब्याटिंग गरेपछि चेन्नईलाई जितका लागि अन्तिम ओभरमा ९ रन आवश्यक थियो ।
तर, लासिथ मालिंगाले अन्तिम ओभरमा ७ रनमात्र दिए र एक विकेट पनि लिएपछि अन्तिममा मुम्बई वियजी भयो । अन्तिम ओभरको पहिलो बलमा वाट्शनले एक रन लिए । दोस्रो बलमा वाट्शनले दुई रन बनाए । तेस्रो बलमा दुई रन लिने प्रयासमा वाट्शन रनआउट हुन पुगे ।
यसपछि क्रिजमा आएका शार्दुल ठाकुरले पहिलो बलमै दुई रन लिएपछि अन्तिम बलमा जितका लागि २ रन आवश्यक थियो । तर, मालिंगाको अन्तिम योर्कर बलमा ठाकुर एलबीडब्ल्यू आउट भए ।
जारी आईपीएलमा मुम्बई र चेन्नई चार पटक आमनेसामने भए । चारै पटक मुम्बई विजयी भयो ।
चेन्नईलाई वाट्शनले ५९ बलमा ८० रन बनाएर अन्तिमसम्म चेन्नईको आशा जोगाएका थिए ।
यसअघि पहिला ब्याटिंग गरेको मुम्बईका लागि कायरन पोलार्डले २५ बलमा ४१ रन बनाएपछि मुम्बईले चुनौतिपूर्ण १४९ रन बनाएको थियो ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया