आज पनि एकीकृत समाजवादीकाे सचिवालय बैठक
सारांश
- काठमाडौँ ।
- नेकपा एकीकृत समाजवादीकाे सचिवालय बैठक आज पनि बस्दैछ ।
- आलोकनगर, काठमाडौँस्थित केन्द्रीय कार्यालयमा बैठक बस्नेछ ।
काठमाडौँ । नेकपा एकीकृत समाजवादीकाे सचिवालय बैठक आज पनि बस्दैछ । आलोकनगर, काठमाडौँस्थित केन्द्रीय कार्यालयमा बैठक बस्नेछ । बैठककाे समय भने बिहान ११ बजेका लागि तय गरिएकाे छ ।
माघ १४ गते गर्ने भनिएको राष्ट्रिय महाधिवेशन सार्न सहमत भए पनि मितिका बारेमा अझैं टुंगो लागेको छैन, सम्भवतः आज बस्ने बैठकले सो बारेमा टुंगो लगाउने प्रवक्ता जगन्नाथ खतिवडाले जानकारी दिए ।
बैठकमा अन्तर पार्टी निर्देशनको विवाद र राष्ट्रियसभाको निर्वाचनसहित समसमायिक राजनीतिक बिषयमा पनि छलफल हुनेछ । नेकपा एसले एमालेबाट अलग भएपछि पहिलो अधिवेशन माघमा गर्ने भनेर मिति तय गरे पनि अध्यक्ष माधवकुमार नेपालले तयारी गर्न नसक्ने भन्दै सो महाधिवेशनको मिति सार्ने प्रस्ताव गरेका छन् ।
राष्ट्रियसभा निर्वाचन माघ ११ गते हुने भए पछि माघ १४ गते हुने भनिएको महाधिवेशन सम्भवः नहुने भन्दै अध्यक्ष नेपालले आजकाे बैठकमा त्यसको मिति सार्ने प्रस्ताव गर्ने जनाइएको छ ।
प्रतिक्रिया