आज प्रधानमन्त्री ओली अस्पतालमै, २४ घण्टा चिकित्सकको निगरानीमा

आइतबार मन्त्रिपरिषद बैठकमा करिब १० मिनेट जति मात्रै उपस्थित भएका प्रधानमन्त्री केपी शर्मा ओलीको स्वास्थ्यमा गए राति समस्या देखिए पछि अस्पताल भर्ना गरिएको हो । प्रधानमन्त्रीको छातीमा संक्रमण देखिएको उपचारमा संलग्न चिकित्सकले जानकारी दिएका छन् । चिकित्सकहरुले उनको लिक्वीड प्रोफाइल चेक गरिरहेका छन् । उनलाई आज अस्पतालमै राखिने भएको छ । उनको नीजि सचिवालयले दिएको जानकारी अनुसार २४ घण्टा चिकित्सकको नीगरानीमा राख्नु पर्ने भएकाले सोमबार प्रधानमन्त्री ओली अस्पतालमै रहने छन् ।

प्रधानमन्त्र ओली केहि दिनदेखि बिरामी रहेका थिए । उनलाई रुघाखोकी र ज्वरोले सताएको थियो । उनको काठमाडौँ महारागञ्जस्थित त्रिवि शिक्षण अस्पतालमा आइसियुमा राखेर उपचार भइरहेको छ । उपचारमा चिकित्सक अरुण सायमी, दिलीप शर्मा, सन्तकुमार दास, शिक्षण अस्पतालका आइसियु इन्चार्ज चिकित्सक सुवास आचार्य, प्रकाश काफ्लेसहित सामेल भएका छन् ।