इजिप्टका सलाह पहिलो रोजाइको टिममा पर्न असफल !

१ असार ।  २०१८ फिफा विश्वकपको समूह ‘ए’ को दोस्रो खेलमा शुक्रबार (अहिले) पौने ६ बजे इजिप्ट र उरुग्वे बीच प्रतिस्पर्धा हुँदैछ।

तीन दशकपछि विश्वकपमा फर्किएको इजिप्टले पहिलो खेललाई ठूलो महत्व दिनेछ। इजिप्टका स्टार खेलाडी मोहमद सलाह भने पहिलो रोजाइको टिममा पर्न असफल भएका छन्।

जुन सलाह र इजिप्टका फ्यानका लागि दुखद खबर हो। दुई पटकको विश्व विजेता उरुग्वेका लागि पहिलो खेलमै इजिप्टसँग खेल्नु चुनौतीपूर्ण देखिन्छ। पछिल्ला २ विश्वकपमा राम्रो प्रदर्शन गरेको उरुग्वे धेरै आशा गरेको इजिप्टमाथि हाबी हुन चाहन्छ।

किनकी इजिप्ट भन्दा उरुग्वेको टिममा अनुभवी खेलाडी छन्। टिममा रहेका फरवार्डद्वय लुइस सुआरेज र इडिन्सन काभानीबाट उरुग्वेले फाइदा लिन सक्छ। यी दुई फरवार्डलाई रोक्नु इजिप्टको चुनौती हुनेछ।

१९७० पछिको विश्वकपको पहिलो खेलमा उरुग्वेले जित निकाल्न सकेको छैन।