एउटै जिल्लामा नेपाल विद्यार्थी संघका ३ जना अध्यक्ष, विद्यार्थी रनभुल्ल
सारांश
- कञ्चनपुर, २४ असार ।
- प्रमुख प्रतिपक्षी दल नेपाली कांग्रेसको भ्रातृ संगठन नेपाल विद्यार्थी संघ कञ्चनपरको ३ जना अध्यक्ष भएका छन् ।
- तीनजना छुट्टाछुट्टै व्यक्तिलाई अध्यक्षको जिम्मेवारी दिएको छ ।
कञ्चनपुर, २४ असार । प्रमुख प्रतिपक्षी दल नेपाली कांग्रेसको भ्रातृ संगठन नेपाल विद्यार्थी संघ कञ्चनपरको ३ जना अध्यक्ष भएका छन् । तीनजना छुट्टाछुट्टै व्यक्तिलाई अध्यक्षको जिम्मेवारी दिएको छ ।
नेविसंघमा देखिएको लामो समयदेखिको असन्तुष्टिका कारण कञ्चनपुरमा गत बैशाखयता तीन जना अध्यक्ष नियुक्त भएका हुन् । कांग्रेसको सिटौला समूहले संस्थापन पक्षलाई काउन्टर दिनका लागि समानान्तर समिति गठन गरेको थियो । त्यसको महिना दिन नबित्दै पौडेल पक्ष मानिने असन्तुष्ट समूहले राजबहादुर चन्दलाई जिल्ला अध्यक्षको जिम्मेवारी तोकेर पत्र पठाएपछि कञ्चनपुरमा ३ जना अध्यक्ष भएका हुन् ।
यही असार १८ मा नेविसंघका उपाध्यक्ष नवीन राई र प्रकाश रानाले संयुक्त विज्ञप्ति जारी गरेर चन्दलाई कञ्चनपुरको जिम्मेवारी दिइएको जनाएका हुन् । चन्दलाई अध्यक्षको जिम्मेवारी सुम्पेर पठाइएको पत्रमा नेविसंघको विधानअनुसार यथाशीघ्र जिल्ला अधिवेशन गराउन निर्देशन दिइएको छ ।
यसअघि गत जेठ २८ गते सिटौला समूह निकट मानिएका महामन्त्री कुन्दनराज काफ्लेले अध्यक्ष नैनसिंह महरले जिल्ला अध्यक्षको जिम्मेवारी दिएका टेकराज पाण्डेयको समानान्तरमा कृष्ण भट्टको अध्यक्षतामा समानान्तर जिल्ला कार्यसमितिको घोषणा गरेका थिए ।
सस्थापन निकटका पाण्डेय र सिटौला निकटका भट्टले आ–आफ्नै ढंगले जिल्लामा निर्वाचन क्षेत्रस्तरीय समिति समेत गठन गरिसकेका छन् । त्यही अवस्थामा पौडेल समूहले तेस्रो व्यक्तिलाई अध्यक्षको जिम्मेवारी तोकेपछि विद्यार्थीहरु रनभुल्ल परेका छन् ।
(Zoloft)
प्रतिक्रिया