एटीएम मेसिन तोडफोड गरी चोरी गरेको आरोपमा ललितपुरबाट तीन जना पक्राउ

काठमाडौँ । प्रहरीले ललितपुरबाट तीन जनालाई पक्राउ गरेको छ । पक्राउ पर्नेहरूमा नुवाकोट बेलकोटगढी नगरपालिका–३ घर भई ग्वार्को बस्ने ३१ वर्षीय वसन्त तिवारी, ललितपुर सुन्धारा बस्ने २४ वर्षीय विजय तिवारी र सुनसरी धरान उपमहानगरपालिका१५ भानुचोकका ३५ वर्षीय अनिल राई छन् ।

ललितपुर महानगरपालिका–५ कुमारीपाटीस्थित एनएमबी बैंकको एटीएम मेसिन तोडफोड गरी चोरीको प्रयास गरेको आरोपमा प्रहरीले उनीहरुलाई पक्राउ गरेको जनाएको छ ।

कात्तिक ४ गते राति उनीहरूले उक्त बैंकको एटीएम मेसिन तोडफोड गरी रकम चोरी गर्ने प्रयास गरेका थिए । प्रहरीले उक्त बैंकमा रहेको सीसीटीभी फुटेजको आधारमा अनुसन्धान तथा पक्राउ गरेको ललितपुर प्रहरी प्रवक्ता एसपी सुधीरराज शाहीले जानकारी दिए ।

उनीहरूविरुद्ध जिल्ला अदालत ललितपुरबाट म्याद थप गरी आवश्यक अनुसन्धान भइरहेको प्रहरीले जनाएको छ ।

(https://fleshbot.com/)