एसिसी यु -१९: अफगानिस्तान ७ विकेटले विजयी, नेपाल बाहिरियो
सारांश
- काठमाडौं, १ मंसिर।
- एसिसी यु–१९ युथ एसिया कपको दोस्रो सेमिफाइनलमा अफगानिस्तानसँग ७ विकेटले पराजित हुँदै नेपाल प्रतियोगिताबाट बाहिरएको छ।
- मलेसियामा किनररामा टस हारेर ब्याटिङ गरेको नेपालले २८ ओभरमा अल आउट हुँदै १ सय ३ रन मात्रै बनाउन सक्यो।
काठमाडौं, १ मंसिर। एसिसी यु–१९ युथ एसिया कपको दोस्रो सेमिफाइनलमा अफगानिस्तानसँग ७ विकेटले पराजित हुँदै नेपाल प्रतियोगिताबाट बाहिरएको छ।
मलेसियामा किनररामा टस हारेर ब्याटिङ गरेको नेपालले २८ ओभरमा अल आउट हुँदै १ सय ३ रन मात्रै बनाउन सक्यो। १ सय ४ रनको झिनो लक्ष्य तीन विकेट गुमाएर २० ओभरमै प्राप्त गर्यौं।
अफगानिस्तानका लागि मुजिब रहमान एक्लैले ६ विकेट लिएका थिए। नेपालका लागि अनिलकुमार साहले अर्धसतक प्रहार गरे। उनले ५७ बलमा ७ चौका र एक छक्का प्रहार गरेका थिए।
त्यस्तै ओपनर जितेन्द्र सिंह १ र मोहम्मद असिफ शेख शून्यमै पेभेलियन फर्किएका थिए। कप्तान दिपेन्द्र सिंह ऐरी पनि जम्न सकेनन्।
२० बल सामना गरेका उनले ६ रनमत्र जोडे। अनिलबाहेक नेपालका कुनै खेलाडीले दोहोर अंक जोड्न सकेनन्।
समूह एमा रहेको नेपालले साबिक विजेता भारत र बंगलादेशलाई हराउँदै सेमिफाइनलमा प्रवेश गरेको थियो।
प्रतिक्रिया