शिखर खबर

ओलीको सपथ ग्रहणमा नरेन्द्र मोदी आउने: यस्तो छ सम्भावना

Shikharkhabar

बुधबार, माघ १७, २०७४

५

३५ पटक हेरिएको

ओलीको सपथ ग्रहणमा नरेन्द्र मोदी आउने: यस्तो छ सम्भावना

Shikharkhabar

काठमाडौं, माघ १७ ।
अब बन्ने सरकारको नेतृत्व गर्न लागेका एमाले अध्यक्ष केपी ओली करिब फागुनको दोस्रो वा तेस्रो साता प्रधानमन्त्री बन्ने लगभग निश्चित जस्तै छ ।
सोही समय पारेर भारतीय प्रधानमन्त्री नरेन्द्र मोदी नेपाल भ्रमणमा आउने चर्चा सुरु भएको छ ।

काठमाडौं, माघ १७ । अब बन्ने सरकारको नेतृत्व गर्न लागेका एमाले अध्यक्ष केपी ओली करिब फागुनको दोस्रो वा तेस्रो साता प्रधानमन्त्री बन्ने लगभग निश्चित जस्तै छ । सोही समय पारेर भारतीय प्रधानमन्त्री नरेन्द्र मोदी नेपाल भ्रमणमा आउने चर्चा सुरु भएको छ ।

ओलीको प्रधानमन्त्रीको सपथग्रहणकै बेला मोदी आउन लागेका हुन् कि भन्ने अनुमानसमेत गर्न थालिएको छ । मोदी नेपाल आउने भनिएको समय र ओली प्रधानमन्त्री बन्ने समय मेल खाने भएकाले ओलीको सपथ ग्रहण कार्यक्रममै मोदीको उपस्थिति हुने हो कि भन्ने अनुमान गरिएको हो ।

ओली नेतृत्वमा नयाँ सरकार गठन हुने निधो भएपछि दुवै पूर्व समकक्षीहरूले विगतको तुष बिर्सिएर अघि बढ्नुको विकल्प नभएको टिप्पणीसमेत गरिन थालिएको छ ।

नेपालसँगको सम्बन्ध नयाँ ढंगले अघि बढाउने उद्देश्यका साथ मोदी नेपाल आउने तयारीमा जुटेका हुन् ।

पछिल्लो समय ओली र मोदीबिचको सम्बन्ध चर्चामा छ । अब बन्ने सरकारको प्रधानमन्त्रीका रुपमा हेरिएका ओलीलाई मोदी आफैँले दुईपटक सम्म टेलिफोन गरेर प्रधानमन्त्रीका लागि बधाई दिदै दुई देशबीचको सम्बन्ध सुमधुर बनाउनुपर्ने बताएका थिए ।

मोदी भ्रमणको गृहकार्यका सिलसिलामा भारतीय विदेश मन्त्री सुष्मा स्वराज भोली बिहीबार काठमाडौं आउँदै छिन् । ‘प्रधानमन्त्रीको भ्रमणको तयारीका लागि नै स्वराज नेपाल आउन लागेकी हुन् । मार्चको दोस्रो साताभित्र प्रधानमन्त्रीले नेपाल भ्रमण गर्ने तयारी भइरहेको छ।