कपिलवस्तुको कृष्णनगरमा अनिश्चितकालीन कर्फ्यु

कपिलबस्तु ४,कात्तीक।माधब बेल्वासे।
कपिलवस्तुको कृष्णनगरमा युवाहरुबीच झडप भएपछि आइतवार साँझ ५ बजेदेखि कफ्र्यूृ लागेको छ ।शनिबार हिन्दुहरुले दुर्गा भवानीको मुर्ति सेलाउने क्रममा केहि युवाहरु आपसमा झै झगडा गरेपछी कृष्णनगरमा तनावग्रस्त बनेको थियो ।
पुर्वमा सेमरा गाउँ,पश्चिममा भण्डैनगर,सिर्सिहवा चोक,उत्तरमा कृष्णनगर १ शिवानगरको वढाया पोखरी क्षेत्र र दक्षिणमा नेपाल भारत दशगजा क्षेत्र सम्म कफ्र्यूृ आदेश गरिएको जिल्ला प्रशासन कपिलवस्तुले जनाएको छ ।
युवाहरु विच एक आपसमा दोहोरो ढुंगा हानाहान भइरहेपछि जिल्लाको शान्ति सुरक्षा कायम गर्न आज साझ ५ बजेदेखि अनिश्चित कालका लागि कर्फ्यू जारी गरिएको प्रमुख जिल्ला अधिकारी अर्जुनप्रसाद पोख्रेलले बताए ।
प्रमुख जिल्ला अधिकारी पोख्रेलका अनुसार सामान्य विषय भए पनि धार्मिक हिंसा भड्किने खतरा आएकाले कर्फ्यू जारी गर्नु परेको जनाए । उनले दई दिनसम्म पनि मिलाउने प्रयास असफल भएपछि अर्काे आदेश नभएसम्मका लागि कर्फ्यू जारी गरिएको बताए ।
अर्का सुचना जारी नहुदा सम्म कसैलाई घर वाहिर निस्कन, आवत जावत गर्न,भेला जुलुस तथा हुलदंगा नर्गन आदेश दिइएको छ ।सोही क्रममा केही बेर झडपसमेत भएको थियो । अहिले सो क्षेत्रमा तनावग्रस्त भएपछि जिल्ला प्रहरी कार्यालय तौलिहवाबाट थप सुरक्षाकर्मी पठाइएको छ ।