करण र सन्दिप चम्किँदा नेपालकाे शानदार जित !

काठमाडाैँ २१ असाेज । टि ट्वान्टी विश्वकप क्रिकेटको पहिलो चरणको छनोट प्रतियोगितामा नेपालले थाइल्याण्डलाई १ सय ४० रनकाे विशाल रन अन्तरले हराएकाे छ । अाइतबार मलेसियाकाे क्वालालम्पुरमा भएकाे खेलमा नेपालले थाइल्याण्डलाई पराजित गरेकाे हाे । याे नेपालकाे प्रतियाेगितामा लगातार तेस्राे जित हाे । यसअघि म्यानमार र मलेसिया दुवैलाई अाठ विकेटले हराएकाे थियाे ।

१ सय ७३ रनकाे लक्ष्य पछ्याएकाे थाइल्याण्डले ८ दशमलब ५ अाेभरमा १८ रन बनाउँदा पानी परेपछि डकवर्थ लुइस पद्धति अनुसार नेपालले १ सय ४० रनले खेल जितेकाे हाे । खेल अवरुद्ध हुनु अगाडी नै थाइल्याण्डले ९ विकेट गुमाइसकेकाे थियाे । पानी परेपछि लक्ष्य १ सय ५८ रनकाे बनेकाे थियाे ।

नेपालकाे जितमा करण केसीकाे अलराउण्ड प्रदर्शन र सन्दिप लामिछानेकाे कसिलाे बलिङ् महत्वपूर्ण रह्याे । थाइल्याण्डलाई सस्तैमा राेक्ने क्रममा सन्दिप एक्लैले मात्र ८ रन खर्चेर ५ विकेट लिए । भने करणले ३ विकेट निकाले । त्यस्तै ललित राजवंशीले १ विकेट लिए । थाइल्याण्डका कुनै पनि खेलाडीले दाेहाेराे अंककाे रन बनाउन सकेनन् ।

करन केसीकाे अाक्रामक पारीकाे मदतमा नेपालले ७ विकेटकाे क्षतिमा १ सय ७२ रन बनाएपछि थाइल्याण्डले १ सय ७३ रनकाे लक्ष्य पाएकाे थियाे । नाै नम्बरमा ब्याटिङ् गर्न अाएका करनले मात्र १४ बलमा ४ छक्का र २ चाैका प्रहार गर्दै ४० रन बनाएका थिए ।

राम्राे सुरुवात पाएकाे नेपालले लय कायम गर्न नसक्दा बिचमा भड्किएकाे थियाे । २ विकेटकाे क्षतिमा ९९ रन बनाएकाे नेपालले त्यसपछिकाे २९ रनमा लगातार ५ विकेट  गुमाएकाे थियाे । नेपालका लागि करन केसीले ४० रन बनाउनु बाहेक सरद भेषावकरले ३३, दिपेन्द्र सिँह एेरीले ३० र अनिल कुमार शाहले २५ रन बनाए । त्यस्तै विनाेद भण्डारीले १५ रन बनाउनु बाहेक अन्यले दाेहाेराे अंककाे रन बनाउन सकेनन् । थाइल्याण्डका लागि पायुपुथ सुङ्नार्ड एक्लैले ४ विकेट लिए ।

खेलका म्यान अफ द म्याच करण केसी बने । भने याे खेल पश्चात सन्दिपकाे प्रतियाेगितामा ३ खेलबाट १४ विकेट भएकाे छ ।

नेपालले अब भुटान, चीन र सिंगापुरसँग खेल्न बाँकी छ । यस प्रतियोगिताबाट शिर्ष तीनमा रहने टोली अर्को चरणको छनोट प्रतियोगिता खेल्नेछन् । अर्को समूह ए बाट भने युएइ, कतार र कुवेत दोस्रो चरणको छनोट प्रतियोगितामा स्थान बनाएका छन् । एसिया छनोट प्रतियोगिताबाट दुई टोलि विश्वव्यापि छनोट प्रतियोगितामा भाग लिन पाउनेछन् । जहाँ जम्मा १४ टोली सम्मिलित हुनेछन् र शिर्ष ६ टोलि २०२० मा हुने टि ट्वान्टि विश्वकप क्रिकेट प्रतियोगिता खेल्नेछन् ।