के होला नेपाललाई चिनियाँ राष्ट्रपतिको विशेष उपहार ?
सारांश
- चिनियाँ राष्ट्रपति सी चिनफिङको संभावित नेपाल भ्रमणलाई कति फलदायी बनाउन सकिन्छ भन्ने प्रश्न गम्भीर बनेको छ ।
- चिनियाँ विदेशमन्त्री वाङ यीको नेपाल भ्रमणका क्रममा नेपाल पक्षले देखाएको असावधानी र कमजोर कूटनीतिक प्रयासका कारण चिनियाँ मात्र होइन, आम नागरिक पनि खुसी छैनन् ।
- चिनियाँ स्रोतका अनुसार, चीनले नेपालका ठूलोमध्ये एक परियोजना निर्माणमा राष्ट्रपति सीले सहयोग गर्नेछन् ।
चिनियाँ राष्ट्रपति सी चिनफिङको संभावित नेपाल भ्रमणलाई कति फलदायी बनाउन सकिन्छ भन्ने प्रश्न गम्भीर बनेको छ । चिनियाँ विदेशमन्त्री वाङ यीको नेपाल भ्रमणका क्रममा नेपाल पक्षले देखाएको असावधानी र कमजोर कूटनीतिक प्रयासका कारण चिनियाँ मात्र होइन, आम नागरिक पनि खुसी छैनन् । चिनियाँ स्रोतका अनुसार, चीनले नेपालका ठूलोमध्ये एक परियोजना निर्माणमा राष्ट्रपति सीले सहयोग गर्नेछन् । उनीहरूको त्यो सूचिमा रेलमार्गसहित पश्चिम सेती जलविद्युत आयोजना र बुढीगण्डकी जलविद्युत आयोजनालाईलाई प्राथमिकतमा राखेको श्रोत बताउँछ ।
थ्री गर्जेजले लामो समय ओगटेर छोडेको पश्चिम सेतीका कारण चीन बद्नाम भएको छ । त्यो बद्नामीबाट बच्न चीनले उक्त परियोजनामा चासो दिएको हो । त्यसैगरी, वुढीगण्डकी जलविद्युत आयोजना चीनले निर्माण गर्ने विषयमा विवाद छ । एक चिनियाँ कम्पनीसँग सम्झौता गर्ने प्रयास भएपनि टुंगो लागेको छैन । उर्जा मन्त्रालयले प्रयास गरेको भएपनि अर्थ मन्त्रालयले त्यसमा सहमति दिएको छैन । जसले गर्दा चिनियाँ कम्पनीले ठेक्का पाएको छैन ।
चिनिया सरकारी तहबाटै निर्माणमा चासो दिएका कारण अहिले गति नलिएको पनि उर्जा मन्त्रालयका एक अधिकारीले बताए । ती अधिकारीका अनुसार, ठूला केही परियोजनामा सम्झौताका लागि नेपालको प्रशस्त तयारी भएन भने राष्ट्रपति सीको भ्रमणमा नेपालले पाउने विशेष उपहार गुम्ने छ । अहिले चिनिया विदेश मन्त्री वाङसँगजस्तो सामान्य र लाजमर्दो सम्झौता गर्ने हो भने नेपालकै कूटनीतिक क्षमतामा प्रश्न उठ्नेछ ।
प्रतिक्रिया