खानेपानीको निर्वाचनमा पनि एमाले–माओवादीको संयुक्त प्यान

शालिकराम मुसाफिर

दाङ, १० फागुन । बेलझुण्डी खानेपानी तथा उपभोक्ता सरसफाई समितिको यही फागुन २६ गते हुने निर्वाचनको लागि तत्कालीन एमाले र तत्कालीन माओवादी केन्द्रबीच सहकार्य गरी निर्वाचनमा उमेदवारी दिने निर्णय भएको छ ।

दुबै दलका नेता तथा कार्यकर्ताबीच बिहीबार बिजौरीमा भएको बैठकले त्यस्तो निर्णय गरेको तत्कालीन नेकपा एमालेका जिल्ला सदस्य शेरबहादुर खड्काले जानकारी दिए । बैठकले तत्कालीन नेकपा एमालेले अध्यक्ष, सचिव र ३ जना सदस्य तथा तत्कालीन नेकपा माओवादी केन्द्रले उपाध्यक्ष, कोषाध्यक्ष र ३ जना सदस्य बाँडफाड गर्ने निर्णय गरेको छ ।

बाँकी ३ जना सदस्य अन्य पार्टीसँग सहमति गरी उनीहरुलाई दिने समेत निर्णय भएको तत्कालीन नेकपा माओवादी तुलसीपुर उपमहानगर पालिकाका इन्चार्ज रामजी चौधरीले बताए । उनका अनुसार आज बेलुकासम्म उमेदबारको टुङ्गो लगाएर भोलि उमेदवारी दिने तयारी भएको छ ।