गुण्डा नाइके दावा लामा भारतमा परे पक्राउ
सारांश
- काठमाडौं, १६ भदौ ।
- गुण्डा नाइके जीतेन्द्र तामाङ भनिने दावा लामा भारतमा पक्राउ परेका छन् ।
- दुबईबाट दिल्ली हुँदै काठमाडौं फर्किने क्रममा इन्दिरा गान्धी अन्तर्राष्ट्रिय विमानस्थलबाट उनी पक्राउ परेका हुन् ।
काठमाडौं, १६ भदौ । गुण्डा नाइके जीतेन्द्र तामाङ भनिने दावा लामा भारतमा पक्राउ परेका छन् । दुबईबाट दिल्ली हुँदै काठमाडौं फर्किने क्रममा इन्दिरा गान्धी अन्तर्राष्ट्रिय विमानस्थलबाट उनी पक्राउ परेका हुन् ।
प्रहरीले उनी पक्राउ परेकोबारे बताउन चाहेको छैन । नेपाली कांग्रेसको युवा दस्ता तरुण दल काभ्रेको अध्यक्ष रहेका लामा गुण्डा नाइके गणेश लामा समूहबाट छुटेर आफ्नै समूह बनाई गुण्डागर्दी गर्दै आएको प्रहरीले बताउँदै आएको छ ।
यसैबीच नेपाल तरुण दलले एक विज्ञप्ति जारी गर्दै लामामाथि भएको घरपकडप्रति ध्यानाकर्षण भएको जनाउँदै लामाको निशर्त रिहाईको माग समेत गरेको छ । तरुण दलका कार्यबाहक अध्यक्ष उत्तम चापागाईँले जारी गरेको विज्ञप्तिमा शनिबार बिहान ९ बजे इन्दिरा गान्धी अन्तर्राष्ट्रिय विमानस्थलका कर्मचारीले सोधपुछ छ भनी नियन्त्रणमा लिएको जानकारी प्राप्त भएको बताइएको छ ।
प्रतिक्रिया
Tikaram Syangbo Tamang
एेस्लाई पनि अाबाे ईन्काउन्टर गर्नु पर्छ नेपाल प्रहरीले अनि गुन्डा राज समात्त हुँदै जान्छ नेपालकाे