चन्द्रागिरि– १२ का वडाध्यक्षमा काँग्रेस विजयी
सारांश
- काठमाडौँ, ७ जेठ ।
- चन्द्रागिरि नगरपालिका– १२ मा नेपाली काँग्रेसको समूह विजयी भएको छ ।
- काँग्रेसका प्रकाश श्रेष्ठले एक हजार १८८ र उहाँका निकटतम प्रतिद्वन्द्वी नेकपा (एमाले) का लक्ष्मण श्रेष्ठले ८०५ मत प्राप्त गर्नुभएको छ ।
काठमाडौँ, ७ जेठ । चन्द्रागिरि नगरपालिका– १२ मा नेपाली काँग्रेसको समूह विजयी भएको छ ।
काँग्रेसका प्रकाश श्रेष्ठले एक हजार १८८ र उहाँका निकटतम प्रतिद्वन्द्वी नेकपा (एमाले) का लक्ष्मण श्रेष्ठले ८०५ मत प्राप्त गर्नुभएको छ । वडा सदस्यमा द्रौपदी अधिकारी, अस्मिता बयलकोटी, प्रदीप अधिकारी र भीमलाल महर्जन विजयी हुनुभएको छ ।
नगर प्रमुखको मतगणनामा हालसम्म काँग्रेसका घनश्याम गिरीले १२ हजार ६०९ मत प्राप्त गरी अग्रता कायम गर्नुभएको छ भने एमालेका प्रह्लाद कार्कीले नौ हजार ७१६ मत प्राप्त गर्नुभएको छ ।
हालसम्म उपप्रमुखका उम्मेदवार एमालेका लीसा नकर्मीले ११ हजार १०३ र काँग्रेसका इन्द्रावती श्रेष्ठले १० हजार ६०९ मत प्राप्त गरेको निर्वाचन कार्यालयका कम्प्युटर अधिकृत दिवस भट्टराईले जानकारी दिनुभयो । कुल १५ वडा रहेको नगरपालिकामा ३८ हजार ८७२ मतदाता रहेकामा ३१ हजार ९२० मत खसेको थियो । वडा नं १४ र १५ को गणना जारी छ ।
प्रतिक्रिया