पाँचहजार जना अटाउने अन्तराष्ट्रिय सम्मेलन केन्द्र भक्तपुरमा बन्ने , सांसद महेश बस्नेतले गरे यस्ताे अाग्रह

काठमाडाै, ९ कात्तिक । मन्त्रिपरिषद् बैठकले भक्तपुरस्थित नागरिक उड्डयन प्राधिकरणको जग्गामा सुविधासम्पन्न सम्मेलन केन्द्र बनाउने निर्णय गरेको हो । जी सिने अवार्डका लागि भन्दै सहरी विकास मन्त्रालयले प्रिफ्याब संरचनाको सम्मेलन केन्द्र बनाउने प्रस्ताव गरेता पनि उक्त प्रस्तावमा मन्त्रिपरिषदले ठूलो, स्थायी तथा सुविधासम्पन्न सम्मेलन केन्द्र बनाउने निर्णय गरेर गरेको हो । मन्त्रीपरिषद्को निर्णयसँगै सहरी विकास मन्त्रालयले आवश्यक प्रकृया अघि बढाइसकेको छ ।

नेपालमा कुनै पनि अन्तराष्ट्रिय सम्मेलन गर्नु परेमा आवश्यक सम्मेलन केन्द्र नभएका कारण उक्त स्थानमा बनाउन लागिएको प्रधानमन्त्रीका प्रमुख सल्लाहकार विष्णु रिमालले बताए । नेपालमा कुनै पनि सम्मेलन गर्नु परेमा बानेश्वर स्थित अन्तराष्ट्रिय सम्मेलनमा भने दुई हजार जना मात्र अटाउछन् । अव बन्ने उक्त स्थानमा १सय८९ रोपनी क्षेत्रफलमा पाँच हजार क्षमताको सभाहल बनाइने भएको हो । उक्त सभाहल बानेश्वरको अन्तराष्ट्रिय सभाहल भन्दा अढाई गुणा ठूलो बन्ने भएको छ ।

पूर्वउद्योगमन्त्री तथा प्रतिनिधिसभाका सांसद महेश बस्नेतले विकास निर्माणका कार्यमा विरोध नभई साथ र सहयोगका गर्न सवैमा आग्रह गर्नुभएको छ । उहाँले राष्ट्रिय गौरवका आयोजनाहरु भक्तपुरमा आउनु आम भक्तपुरवासीकोलागि नै इतिहासकै ठूलो उपलब्धी भएको बताउनुभयो ।

बस्नेतले  भक्तपुरमा सभागृह मात्र नभई अन्य राष्ट्रिय गौरवका आयोजनाहरु समेत क्रमश निर्माण हुने बताए ।उक्त भवन निर्माण गर्न करिव ५० करोड लाग्ने अनुमान गरिएको छ । यो आर्थिक वर्षमा भवनको डिजाइन समाप्त गरी टेण्डरको कार्य समाप्त गर्ने र आगमी आर्थिक वर्षदेखि भवन निर्माण कार्य शुरु गर्ने मन्त्रालयले जनाएको छ । यसअघि भक्तपुरका स्थानीयले प्रिफ्याब भवनका लागि स्थानीय पूरातात्विक सम्पदा मास्न लागेको भन्दै विरोध गरेका थिए ।