चिनियाँ रक्षा मन्त्री चानको सम्मानमा रात्रीभोजको आयोजना

चैत्र १२ , काठमाडौं

नेपाल भ्रमणमा रहेका चिनियाँ रक्षा मन्त्री चिनियाँ रक्षा मन्त्री चान वानक्वानको सम्मानमा रक्षा मन्त्री बालकृष्ण खाँडले शुक्रवार रात्रीभोजको आयोजना गर्ने भएका छन् ।

सोहि  अवसरमा रक्षा मन्त्री खाँडले चिनियाँ रक्षा मन्त्रीको नेपाल भ्रमण ‘भावी दिनमा नेपाल र चीनबीचको आपसी सम्बन्ध अझ प्रगाढ बनाउन’ सहयोगी हुने बताएको रक्षा मन्त्रालयद्धारा जारी विज्ञप्तीमा छ ।

विज्ञप्तीमा सो अवसरमा मन्त्री खाँडले भनेको उल्लेख छ, ‘महामहिम रक्षा मन्त्रीको भ्रमणले नेपाल र चीनबीचको विद्यमान धनिष्ट सम्बन्धलाई थप मजवुत बनाएको छ । पञ्चशिलको सिद्धान्तमा अडिग दुई देशको सम्बन्ध मित्रता, समझदारी, पारस्परिक सहायता तथा असल छिमेकीपनमा आधारित रहेको छ । नेपाल सदैव एक चीन नितिमा अडिग रहेको छ र हाम्रो भूमिक छिमेकी विरुद्ध प्रयोग हुन नदिनेमा दृढ छौँ । नेपालमा चिनियाँ प्रर्यटकहरु धेरै भ्रमण गराएर, उद्योग–व्यवसायमा लगानी बढाएर हाम्रो अर्थतन्त्रको उन्नयमा योगदान दिन आग्रह गर्छौँ ।’

रक्षा मन्त्री खाँडको निमन्त्रणामा चिनियाँ रक्षा मन्त्री चान वानक्वान तीन दिने नेपाल भ्रमणमा आएका हुन् ।