चीनको जल सिमामा अमेरिकाको युद्धपोत, चीनको कडा जवाफ

बेइजिङ, १५ जेठ । दक्षिण चीन सागरमा अमेरिकाकी नौसेनाको दुई युद्धपोत अनुमति विना प्रवेश गरेपछि चिनले उक्त जलयान फिर्ता पठाएको छ ।

हिंगिन्स तथा एन्टिटेम नामक उक्त युद्धपोतलाई चीनले पार्सस द्विप नजिकैबाट लखेटेको दावी गरेको हो ।

अनुमती विना जलको सीमा क्षेत्रमा प्रवेश गरेका युद्ध पोतलाई चिनियाँ नौसेनाले रोकेको चीनले जनाएको छ । यसपछि चिनियाँ नौसेनाले अन्तर्राष्ट्रिय कानुनका अनुसार अमेरिकी दुई जंगी जहाजलाई त्याहाँबाट जान भनेको थियो । सिन्ह्वाका अनुसार अमेरिकाको दुवै जहाजलाई चिनियाँ नौसेनाले त्याहाँबाट लखेटेको थियो । चीनको यो कदमपछि उक्त जल क्षेत्रमा तनावको अवस्था पैदा भएको जनाइएको छ ।

एक साता अगाडिको अवधिमा चीनले परमाणु क्षमताको बमवर्षक विमानबाट अभ्यास गरेको थियो । यसैको जवाफ दिनका लागि अमेरिकाले दक्षिण चीन सागरमा जंगी जहाज पठाएको बताइएको छ । चीनको उद्देश्य यो विवादित क्षेत्रमा आफ्नो बलियो दावी गर्नु हो ।

अमेरिकाले चीनको यो कदमको जोडदार रुपमा आलोचना गरेको छ । चीनले आफ्नो छिमेकी देशसँग विवाद रहेको पार्सल द्विपबाट १२ नटिकल माइलको दुरीमा गाइडेड मिसाइल क्रुजर पनि तैनाथ गरेको छ ।