चुनाव सकिएर पनि मतपरिणाम कुर्दै बस्नुपर्दा उमेदवारको अनुभूति

ताला माथि ताला झुन्ड्याइएका बन्द कोठा । झ्याल ढोकामा चौबिसै घन्टा बन्दुक बोकेका सुरक्षाकर्मीको पहरा।

निर्वाचन जित्न आफूले गरेको मिहिनेतको प्रतिफल बन्द भएको कोठा । पहिलो चरणमा चुनाव सकिएका ३२ जिल्लाकै प्रतिनिधिसभा तथा प्रदेशसभाका उम्मेदवार जिल्ला सदरमुकामका त्यही कोठाभित्र बन्द भएका मतपेटिका सम्झिएर अहिले चुनावी जित हारको लेखाजोखा गर्दै बसेका छन् ।

‘दिनभर पार्टीका कार्यक्रम, दोस्रो चरणको चुनाव हुने जिल्लाको तयारीको दौडधूपले थकित भइन्छ । बेलुकी सुत्ने बेला आफ्नो क्षेत्रको बन्दकोठा भित्र रहेको मतपेटिकाको सम्झना आउँछ,’ ओखलढुंगा कांग्रेसका प्रतिनिधिसभा उम्मेदवार रामहरि खतिवडाले मतपरिणाम कुर्दै बस्नुपर्दाको अनुभूति सुनाए ।

उनी एमालेका यज्ञराज सुनुवारसँग प्रतिस्पर्धामा छन् ।त्यहाँ पहिलो चरण अन्तर्गत मंसिर १० मा निर्वाचन भइसकेको छ । मतपेटिका तीन वटा सुरक्षा घेरामा सिलबन्दी गरेर राखिएको छ । आफू निर्वाचन लडेको क्षेत्रको मतपेटिका बन्दकोठा भित्र थन्क्याएर उनी उदयपुरको चुनावी कार्यक्रममा व्यस्त छन् । तर उनको मन भने आफ्नै क्षेत्रको मतपेटिकामा छ।

‘सुत्ने बेला मतपेटिका सम्झन्छु, एकछिन बहलाउँछु र मन कुदाउँछु,’ खतिवडाले भने, ‘सरसर्ती ओखलढुंगाको सबै पाखा पखेरा दिमागमा आउँछन्, अनि आफैँ मनमनै समीक्षा गर्छु । चुनाव जित्ने नै देख्छु र निदाउँछु ।’

उनले निर्वाचन जित्लान्हा/र्लान्, परिणाम कुर्न अझै साता दिन कुर्नै पर्छ । तर उनी आफूलाई एसएलसीको परीक्षा दिएर परिणाम कुरेर बसेको विद्यार्थीका रूपमा अथ्र्याउँछन् । ‘एसएलसी दिएर बसेका विद्यार्थीमा आफैँले नदेखे सम्म कौतुहलता जागिरहन्छ, अहिले मलाई पनि त्यस्तै भइरहेको छ,’ खतिवडा भन्छन्, ‘जनताले जित्छस् भन्छन्, उत्साही पनि छु तैपनि परिणाम घोषणा कुरेर बसेको छु।’

नुवाकोट १ मा कांग्रेसका प्रभावशाली नेता डा. रामशरण महतसँग चुनाव लडेका माओवादी केन्द्रका हितबहादुर तामाङको अवस्था पनि त्यस्तै छ । मतपेटिकामा कैद भएको सम्भावित परिणामले उनलाई हुटहुटी जगाउँछ । य

स अगाडिका दुईवटा निर्वाचनमा (०६४ र ०७०) महतसँगै पराजित भएका तामाङ यसपटक आफ्नो जितमा विश्वस्त देखिएका छन् ।
अन्नपूर्णबाट