छठ पूजा गर्न राष्ट्रपति कमलपोखरी जाने

९ कात्तिक, काठमाडौं । राष्ट्रपति विद्यादेवी भण्डारी बिहीबार छठ पूजामा सहभागी हुने भएकी छन् । राष्ट्रपति भण्डारी राजधानीको कमलपाेखरीमा आयोजना गरिएको छठ पूजा समारोहमा सहभागी हुन लागेकी हुन् ।

छठ पर्व समारोहमा सहभागी भएर राष्ट्रपति भण्डारीले साँझ अस्ताउँदो सूर्यलाई अर्घ दिने कार्यक्रम छ ।

त्यसैगरी, उपराष्ट्रपति नन्दबहादुर पुनलाई हाँडीगाउँस्थित गहनापोखरीमा आयोजना गरिएको छठ पूजा समारोहमा निम्तो दिइएको छ ।

प्रचारप्रसार संयोजक आनन्द गुप्ताका अनुसार, उपराष्टपति पुनसहित राजनीतिक दलका नेताहरुलाई समेत बोलाइएको छ । उपराष्टपति जाने या नजाने भन्नेबारे भने टुंगो लागिसकेको छैन । गहनापोखरीमा साँझ ५ बजे अस्ताउँदो सूर्यलाई अर्घ दिने र भोलि बिहान पनि उदाउँदो सूर्यलाई अर्घ दिएर प्रसाद वितरण गर्ने कार्यक्रम राखिएको छ ।