छानबिनकाे लागि गएकाे सिअाइबिमाथि छानबिन गरिने !
सारांश
- काठमाडाैँ, २८ भदाै ।
- निर्मला पन्तको बलात्कारपछि हत्याको छानबिन गर्न गएको केन्द्रीय अनुसन्धान ब्युरो (सिआइबी)को टोलीमाथि छानबिन हुने भएको छ।
- प्रहरी प्रधान कार्यालयले एसएसपी उत्तम सुवेदीको नेतृत्वमा सिआइबी अधिकृतमाथि छानबिन गर्न समिति केही दिनअघि समिति गठन गरेको थियो।
काठमाडाैँ, २८ भदाै । निर्मला पन्तको बलात्कारपछि हत्याको छानबिन गर्न गएको केन्द्रीय अनुसन्धान ब्युरो (सिआइबी)को टोलीमाथि छानबिन हुने भएको छ। प्रहरी प्रधान कार्यालयले एसएसपी उत्तम सुवेदीको नेतृत्वमा सिआइबी अधिकृतमाथि छानबिन गर्न समिति केही दिनअघि समिति गठन गरेको थियो। समितिमा पाँच जना सदस्य छन्। समितिले सो टोलीमा गएका प्रहरीको बयान र अनुसन्धान गर्नेछ।
त्यस्तै निलम्बनमा परेका एसपी डिल्लीराज बिष्टसँग पनि आवश्यक बयान र गल्ती देखिए थप कारबाही गर्ने तयारी प्रहरी प्रधान कार्यालयले गरेको प्रहरी प्रवक्ता एसएपी शैलेस क्षत्रीले जानकारी दिए। साउन १४ गते सिआइबीका डिएसपी अंगुर जिसी नेतृत्वमा टोली तीन सदस्यीय टोली निर्मला बलात्कार-हत्याको अनुसन्धान गर्न कञ्चनपुर गएको थियो। यो टोलीले भदौ ४ गते दीलिपसिंह बिष्टलाई घटनाका मुख्यअभियुक्त भन्दै सार्वजनिक गरेको थियो। बिष्टविरूद्ध किटानी जाहेरी दिन निर्मलाका बुवाआमालाई दबाब दिएपछि स्थानीयले विरोध गरेका थिए।
बिष्ट र निर्मलाको शरिरमा भेटिएको डिएनए नमिलेपछि उनी मंगलबार रिहा भइसकेका छन्। बिष्ट रिहा भएपछि प्रधान कार्यालयले उनलाई अभियुक्त भन्ने सिइआइबी टोलीमाथि अनुसन्धान थालेको हो।
प्रतिक्रिया