जस्काे निम्ति पत्रकार सम्मेलन गरे उस्कै बारेमा केहि बाेलेनन् नाना पाटेकरले !

अभिनेता नाना पाटेकरविरुद्ध बलिउड अभिनेत्री तनुश्री दत्ताले आफूमाथि यौन दुव्र्यवहार गरेको आरोप लगाएपछि अहिले भारतमा यो विषय निकै चर्चामा छ । सोमबार नाना पाटेकरले पत्रकार सम्मेलन गर्दै तनुश्रीका आरोपबारे पहिलो पटक मिडियामा आएर आफनो सफाइ दिएका छन् ।नाना पाटेकरले पत्रकार सम्मेलनमा भने, ‘मेरा वकिलले अहिले यो विषयमा केही नबोल्नु भनेका छन्, त्यसैले अहिले म केही पनि बोल्दिनँ ।’

नाना पाटेकरले यो विषयमा आफूले १० वर्ष अगाडि नै कुरा गरिसकेको र यो आरोप गलत भएको पनि बताएका छन् । उनले जे कुरा अहिलेका लागि सत्य हुन्छ, त्यो सधैंका लागि सत्य हुने र १० वर्षपछिका लागि पनि सत्य हुने बताएका छन् । पत्रकार सम्मेलनमा नाना पाटेकरलाई पत्रकारहरुले तनुश्रीको आरोपबारे बोल्न निकै दबाब दिएका थिए । तर, उनले यस विषयमा केही पनि बोलेनन् ।
फिल्म ‘आशिक बनाया आपने’बाट स्थापित भएकी अभिनेत्री तनुश्री दत्ताले फिल्म ‘हर्न ओके प्लिज’ फिल्मको सुटिङको समयमा नाना पाटेकरले आफूमाथि दुव्र्यवहार गरेको आरोप लगाएकी थिइन् । नाना र तनुश्रीको फिल्म हर्न ओके प्लिज सन् २००९ मा रिलिज भएको थियो ।