टि.भि.ए. स्ट्राइकरको र्यालीमा सुपरस्टार निखिल उप्रेती

चन्द्रनिगाहपुरमा नायक निखिल उप्रेतीको अगुवाईमा टि भी एस स्ट्राइकरको र्याली निकालिएका छ । नेपालको लागि टिभीएस टु ह्वीलर्सको आधिकारिक वितरक जगदम्बा मोटर्स प्रा.लि.ले ग्राहकको हितलाई ध्यानमा राख्दै सुपर स्टार नायक निखिल उप्रेतीसंग भेट्ने योजना ल्याएको हो ।

सो योजना अन्तर्गत नायक उप्रेतीको उपस्थितिमा निकालिएको र्यालीले चन्द्रपुर नगरपालिकाको विभिन्न स्थानको परिक्रममा गरेको थियो । जगदम्बा मोटर्स प्रा.लि.को आधिकारिक बिक्रेता चन्द्रनिगाहपुरको गणपति अटो एण्ड सेन्टरले टि भी एस १२५ सिसिको स्ट्राइकरको प्रवद्र्धनका लागि जेठ ३१ गते देखि असार ३ गते सम्म मेलाको आयोजना गरेको थियो ।

टिभीएस १२५ सिसिको स्ट्राइकरको खरिद क्यास ,फाइनान्स र एक्सचेन्जको माध्यम बाट खरिद गर्न पाउने छन् । मेला अबधिभर स्ट्राइकर मोटरसाईकल खरिद गर्ने ग्राहकलाई कम्पनीले आर्थिक बर्ष सम्म २०७५र७६ को कर फ्री साथै रेनकोट , हेल्मेट, फाइनान्स, एक्सचेन्ज पनि कम्पनीले उपलब्ध गराएको छ । मेलामा टि भी एस स्ट्राइकर मोटरसाईकल खरिद गर्ने ग्राहकले नायक निखिल उप्रेतीसँग भेट गर्ने मौका पनि पाएका थिए ।

मोटरसाईकल खरिद गर्ने ग्राहकलाई चाबी हस्तान्तरण गरीसकेपछि नायक उप्रतीले ग्राहकसंगै बसेर लञ्च गरेका थिए । स्ट्राइकर किन्ने ग्राहकहरुले सुपरस्टार निखिल उप्रेतीसंग लन्च र र्यालीमा सहभागी हुन पाउँदा निकै खुशी लागेको प्रतिक्रिया दिए । गणपति अटो एण्ड सेन्टरका संञ्चालक रामहरि पंण्डितले ग्राहक लक्षित यस्ता किसिमका कार्यक्रम तथा योजनाले टि भी एस प्रति ग्राहकको आकर्षण बढ्ने बताए ।

र्याली पछि आयोजित कार्यक्रममा बोल्दै नायक निखिल उप्रेतीले कम्फोर्ट, स्टाइल र राम्रो माइलेज भएको मोटरसाईकल भएकाले टि भी एस स्ट्राइकरसंग आबद्ध भएको बताए ।

अगामी दिनमा देशका विभिन्न स्थानमा यस्ता किसिमका कार्यक्रम गर्ने र ग्राहकका लागी नयाँ नयाँ योजनाहरु ल्याउने प्रतिबद्धता जगदम्बा मोटर्सका मार्के्टिङ्क म्यानेजर नबराज कोइरालाले बताए ।