डिलरलाई मुनाफा स्किम सहित अटो फोर्स नेपालको डिलर मिट

छोटो समयमै आफ्नो प्रोडक्ट बजारमा स्थापित भएकोमा अटो फोर्स नेपाल प्रा.लि.ले आफ्ना डिलरलाई धन्यवाद तथा शुभकामना दिदै एक समारोह बीच डिलर मिट तथा प्रोडक्ट लञ्ज कार्यक्रम सम्पन्न गरेको छ । काठमाडौँमा भएको उक्त कार्यक्रममा विभिन्न जिल्लाबाट उपस्थित डिलर प्रतिनिधि र शुभेक्षुक सहभागि भएका थिए । उक्त कार्यक्रममा प्रा.लि.का अध्यक्ष खिल बहादुर थापा तथा डकाई ग्रुपका सञ्चालक इन्दर पल स्वोईले संयुक्त रुपमा प्रोडक्ट लञ्च गरेका थिए ।

दुई पांग्रे सवारी साधनको इञ्जिल वाइल प्रोगल्स लुब्रिकेन्ट्स र डकाई ग्रुपको ब्रेक सु तथा अन्य पार्ट्सहरु विक्रि वितरण गर्दै आएको यस प्रा.लि.ले छिट्टै दुई पांग्रे सवारीका अन्य पार्ट्स र चार पांग्रे सवारीका मोबिल, ब्रेक वाइल, डिक्स वाइल, हाइड्रोलिक वाइल तथा थुप्रै पार्ट्सहरु बजारमा ल्याउन लागिएको कम्पनीका तर्फबाट सञ्चालक बद्रि भट्टराईले जानकारी दिए ।

कार्यक्रममा दुबईमा उत्पादन भई नेपालमा विक्रि वितरण भइरहेको प्रोगल्स लुब्रिकेन्ट्स दुई पांग्रे सवारीका लागि नेपालमा अति उपयुक्त रहेको र सवारी साधन धनीको मन जित्दै अगाडि बढिरहेको कुरा उपस्थित डिलर प्रतिनिधिहरुले बताए ।

विगतका मार्केटिङ व्यवस्थापनलाई सुधार्दै आगामी दिनमा गुणस्तरलाई वृद्धि गर्दै प्रयोगकर्तालाई अझ धेरै विश्वसनीयता दिदै डिलरहरुलाई सुविधा बढाउँदै लैजाने लगायतका विषयमा प्रालि प्रतिबद्ध रहेको जानकारी कार्यक्रममा गराइयो ।

प्रा.लि.ले आफ्ना डिलरहरुलाई उनीहरुले गरेको विक्रीको आधारमा मुनाफा दिने योजना पनि सार्वजनिक गरेको छ । उक्त योजना अनुसार वार्षिकरुपमा २५ लाख रुपैयाँको व्यापार गर्ने डिलरले १ प्रतिशत, ५० लाख रुपैयाँ व्यापार गर्ने डिलरलाई २ प्रतिशत, ७५ लाख रुपैयाँ व्यापार गर्ने डिलरलाई ३ प्रतिशत र १ करोड रुपैयाँको व्यापार गर्ने डिलरलाई ५ प्रतिशत मुनाफा दिने घोषणा गरेको छ ।