दुईतिहाईको शक्तिशाली सरकार केही गर्न नसकिने मनोविज्ञानका साथ पूर्व तयारीमा: लेखक

काठमाडौं, ८ बैशाख । प्रमुख प्रतिपक्षी दल नेपाली कांग्रेसका नेता एवम् पूर्वमन्त्री रमेश लेखकले वर्तमान सरकार केही पनि गर्न नसक्ने मनोविज्ञानका साथ पूर्वतयारीमा लागेको बताएका छन् । उनले दुईतिहाईको शक्तिशाली भनिएको सरकारको बारेमा अहिल्यै टिकाटिप्पणी गर्नु हतारो हुने भए पनि सरकार भने हतार गरेर अघि बढेको आरोप लगाए ।

रिपोर्टर्स क्लवमा बोल्दै लेखकले भने, “वर्तमान सरकार केही गर्न नसक्ने मनोविज्ञानका साथ पूर्व तयारी गरिरहेको छ ।” केही गर्न नसकिने अवस्थामा अपजस नलिनेगरी वर्तमान पूर्व तयारीमा लागेको उनको तर्क थियो ।

कांग्रेस नेता लेखकले भने, “सरकार अहिले जुन हतार गरेर अघि बढेको छ । यो राम्रो भएन । सरकारले हतार गरेर राष्ट्रपतिलाई ठिक÷बेठिक प्रक्रियामा सलंग्न गराएको थियो । अब अर्थमन्त्रीले जारी गरेको स्वेतपत्रकै कुरा गर्नुहुन्छ भने उहाँले राज्यको ढुकुटी रित्तियो भन्नुभयो, तर अहिले पनि पूँजीगत खर्च डेढ खर्ब छ । यो तीन महिनाभित्र प्रतिदिन १३ अर्ब रुपैयाँ खर्च गर्नुपर्छ भनेर कान्तिपुर पत्रिकाले तथ्यसहित समाचार प्रकाशन गरेको छ । कान्तिपुरको समाचार सत्य हो कि अर्थमन्त्रीको स्वतेपत्र ?” हो, यही हो सरकारको हतारो ।”